اتبرع.. ولو بمراتك

مسكين هذا الشعب . كل رئيس جديد . بييجى للكرسى الا .. ويقوله .. شد الحزام . مصر بتمر . بضائقة . اجارك الله . ما مرتش بيها . من زماااان قوووى والشعب عشان غلبان . او بمعنى اصح .. عامل انه غلبان
بيقولك .. ماشى يا عمنا
ايه المطلوب منى بالضبط
وكالعادة ...
المطلوب .. انكم تحبوا مصر بجد . وتضحوا عشانها بالفعل. ومش بالقول . وبس
عاوز ايه. يا عمنا ؟ ...
عاوزين الناس . ما تطالبش بمطالب فئوية
ماشى ..
عاوزين الناس .. ترشد فى الاستهلاك شوية
ماشى ..
عاوزين الناس .. ما تبذرش فى الكهربا . والمية . وياريت كمان فى الاكل . والذى منه
ماشى ..
وعاوزينك يا جميل.. ترد الجميل لمصر. وتتبرع . ولو بجنيه
ماشى ..
وتروح يا جميل . وانا معاك . لأى بنك عشان . نتبرع
ماشى ..
وكمان عندك .. انقاذ مصر
واشى . تحيا مصر
واشى .ازالة عشوائيات مصر
واشى . اعادة بناء دور عبادة مصر
واشى . كيت وكيت
وعشان ما تفكرش.. انها بتيجى. على الغلبان وبس
عندك . عمك ابو العنين . اهو متبرع كمان
وعندك . الامين بتاع السى بى سى .متبرع
وعندك.البدوى بتاع الوفد
وعندك . المحافظون . ومن قبلهم محلب
اتبرعوا كمان
وعندك . الفنانة فلانة
والمذيعة علانة .
متبرعين كمان .
مبسوط يا عم
اهى البلد كلها. على بكرة ابيها .. بتتبرع
ومفيش . خيار. ولا فاقوس
ولا.. حناخد من الفقير . عشان ندعم الغنى
زى العادة ..
وكمان . عشان ما تزعلش
اتبرع باى حاجة .
وبلاش . الحجج الفارغة
زى .. وهو انا حلتى اللضى .. عشان اتبرع بيه
ولا . ايش تاخد الريح . من البلاط
ولا. القرعة . من ام الشعور
وزى ما قالوا زمان
اتبرع ولو بجنيه ..
ولا.. اقولك
خليلك العيال
واتبرع .. بأم العيال
وهو بكده.. تضرب عصفورين. بحجر واحد
تلبى. نداء الوطن
وتتخلص .. من اللى بالى بالك