والله لا اقصد وصفنا نحن وانا منكم بالحمير. ولكننى اصف اكتر اعلامنا الذى بات بلا ضمير .. اسمع اى محطة اذاعية الان. من برنامج عام. لشباب ورياضة. واف ام. و90 على .90 او حتى راديو مصراوشاهد اى قناة فضائية. ومن وراءها من رجال اعمال مبارك. من الوطنيين الفلوليين السابقين مصريه حكومية او خاصة. وتعالى قولى: ماذا شاهدت؟ وماذا استفدت. وباى معلومة جديدة خرجت ؟ ستكتشف.. ان البرامج. هى هى. وان الضيوف. زى الكعب الداير. من قناة لقناة. وان الظرف بالنقود. والذى منه.. جاهز للضيف وستكتشف. ان هناك جيشا من المعدين. من بتوع السبوبة. يعمل كل واحد منهم .فى قناة بصورة علنية. ويتاجر بضيوفه مع قنوات اخرى.. من الباطن وستجد ان رؤساء التحرير. اللى هما صحفيين فى الاصل. قاعدين فى مكاتبهم المكيفة. امام لوحات الكمبيوتر. يتابعون ما يحدث داخل الاستديوهات. ويسلون انفسهم طوال الوقت. بالعاب الفيس بوك. والكاندى كراش.. والذى منه اما المذيعون. فحدث ولا حرج. فقد وصل معظمهم. على وقت الهوا بالضبط. والبركة فى جيش السخرة. من الشباب. الذين يرضوا بالفتاتوفى الاير بيس. اوسماعة الاذن. التى تنقل لاذانهم.. كل شاردة وواردة. وسؤال للضيف. واجارك الله اذا تعطل الايربيس. او كان المذيع اوالمذيعة.. لا سمح الله. سمعه. تقيل شوية حتسمع الكوارث. والمبتدا المنصوب. والفاعل الذى اصبح مفعولا به! ببركة الوالدين الا من رحم ربى بالطبع. فهناك مذيعون عندهم. بحكم خبرتهم الصحفية. قدر من الثقافة والوعى تخليهم.. يتكلموا. ويحاوروا الضيف لدقائق تعد.. على اصابع اليد الواحدة ليه بقى الكلام ده ؟ الاجابة ببساطة. هى ان دول بقوا بتاريخهم المعروف. بالاكل من كل الموايد. ونفاق ده وده بس ابجنى تجدنى هما اللى بيتحكموا. فى الناس الغلابة. وفى عقولهم الطيبة واللى بيصدقوهم بحسن نية والاغرب.. انهم بيعملول ليهم. مش بس غسيل مخ. دول بيعيشوهم فى كوكب تانى. وبيمنوهم بأنهار.. من اللبن والعسل وكمان خد عندك.. لما قعدوا يدوروا على رؤساء تحرير جدد. للنهوض بالصحف القومية. عنيهم راحت على طول. لرؤساء تحرير فى البرامج دي مش دول برده رؤساء تحرير.واحنا عاوزين.. رؤساء تحرير برضك ؟والحكاية ببساطة انها لعبة شيلنى واشيلك. ولا موهبة ولا كفاءة فى الاساس. لا سمح الله هى رد جميل. للاستضافة. والتلميع. والتنجيم.. فى تلك البرامج وبرده.. للقرشين الحلوين. اللى جم منها واهو كله.. غسيل سمعة. قبل ما يكون.. غسيل أموال لا يعرف احد بالضبط.. من أين جاءت وان كان تاريخ بعض اصحايها الشهير يديك الامارة. هى.. الحكاية ناقصة اعلام مضلل ماشي لانه بقى واقع ومتعايشين معاهبس انك تحاول.. توجد شعب ولا مؤاخذة: من الحمير فده هو اللى.. مش مقبول بضاعتكم فاسدة وستبور فى لحظة ما فلا تحاولوا معنا فبيضكم الفاسد مفقوس وشرفكم المصطنع مفضوح مهما حاولتم ان تخفوه.. وراء ملايينكم المكدسة ؟