عبد الفتاح: "اللى عنده واحد محترم يعرَّفه للناس"!!

قال الدكتور معتز بالله عبد الفتاح العضو المستقيل من المجلس الاستشاري "إن أناسًا لا يصدقون أن مصر بها "ناس محترمين"، مشيرا إلى أن عدم التصديق يؤثر بالسلب على قدرة المجتمع فى النهوض بالبلاد".
ودعا عبد الفتاح خلال حسابه الشخصي على "فيس بوك" أصدقاء المحترمين فى المجتمع المصري إلى تعريفهم للآخرين، حتى يصدقوا أن هناك محترمين يعيشون بيننا فى مصر.
وكتب عبد الفتاح "فيه ناس في مصر مش مصدقة إن فيه ناس محترمة في مصر، زي اللي عمره ما شاف غواصة، فلما تحاول تشرح له الفكرة يفتكر إنك بتخدعه لغاية ما يشوف واحدة بجد، يعني أنا لسه مقابل شخص محترم جدا قعد يشتغل في حكومة نظيف لمدة سنتين ونصف متطوعا، والكل افتكر إنه أكيد حرامي مع إنه غني جدا لأن استغناءه عن المال الحرام جعله أغنى من كل الحرامية الذين معهم أموال أكثر منه،عندي فكرة، ما كل واحد محترم يعرف واحد محترم يعرف به الناس التانية علشان تصدق، عدم التصديق بإن مصر فيها ناس محترمة ممكن تعمل له تأثير سلبي جدًا على المجتمع بصفة عامة وعلى قدرته على النهوض بصفة خاصة".