حديث المدينة

مفيد فوزى :سؤال يطرح للنقاش هل بالفعل العرق يمد لسابع جد هل بالفعل الانسان جينات تصل هذا المشوارالطويل بين الجد والحفيد تعالوا مرة اخرى نقلب فى دفتراحوال الجينات جينات المشاهير بامل ان نبحر فى اعماقهم ونتذكرهم وننعش ذاكرتنا بيهم هؤلاء الذين اثروا حياتنا ومضوا احفاد المشاهيرمرة اخرى فى حديث المدينة
فاصل
مفيد فوزى :احمد عرابى زعيم مصرى شهرته يعنى لا حدود لها جزء من تاريخ مصر ابن الشرقية واحنا نسمع جمله دائما تتقال هوجه عرابى ومقدرتش اعرف من اى مؤرخ هل هى كانت هوجه والا كان تنظيم ومع ذلك هو كان مضاد كتيار للنفوذ التركى فى الجيش المصرى وقت اذن من اشهر الحاجات اللى الواحد بيذكرها عنه المظاهرة اللى كانت عند قصرعابدين التى اطاحت بوزراة رياض باشا وبعدها عين هو رئيس وزارة احمد عرابى له احفاد منهم ضيفى عبد الفتاح عرابى احمد عرابى اول لما شفتة على طول تذكرت شكل الزعيم احمد عرابى وهو فوق الحصان واخذت بالى من الشارب كأنة احمد عرابى ولا انا غلطان؟
عبد الفتاح عرابى احمد عرابى : لأ مضبوط يا باشا انا كل سنة بنحتفل فى محافظة الشرقية بالزعيم احمد عرابى يوم 9 سبتمبر بنعمل مسيرة ونطلع للماحفظ ندية الوثيقة بتاعتة على اساس مطالب البلد كتأييد لرئاسة الجمهورية وتأييد للمحافظ وبنسلم الوثيقة وبنلف عند التمثال احمد عرابى وتنتهى المسيرة احتفال الشرقية بالكامل هو احتفال ذكرى احمد عرابى
مفيد فوزى :هوجه عرابى دى ايه ؟
عبد الفتاح عرابى احمد عرابى : هوجه عرابى سموها هوجه عرابى بس علشان بعض الناس اللى هما وراء ظهرة اللى هما يعنى مش عايزين اللى هما شككوا فى ثورة احمد عرابى هى الثورة بتاعت احمد عرابى بثورة حقيقية امتداد هو ثورة فى التاريخ المصرى
مفيد فوزى : بيقولوا عليه باستمرار انه زعيم الفلاحين ؟
عبد الفتاح عرابى احمد عرابى :لان هو فلاح هو تربى فى القرية وحافظ القران وهو عنده 8 سنين واتعلم الحساب على يد واحد مسيحى يعنى علمة اساس الحساب
مفيد فوزى :اسمه ايه تذكر اسمه؟
عبد الفتاح عرابى احمد عرابى :لأ مش متذكر اسمه
مفيد فوزى :لكن عرفت المعلومة دى ازاى؟
عبد الفتاح عرابى احمد عرابى :انا عرفتها ماهى موجودة موجودة ثم ترقى وتعلم ثم دخل الازهر وبعدين دخل الجيش وترقى بالنسبة للجيش كل مايروح موقعة يبدأ ان هو يأخذ الترقية بتاعته حتى وصل
مفيد فوزى :وزير حربية؟
عبد الفتاح عرابى احمد عرابى :وزير حربية
مفيد فوزى :نعم اه
عبد الفتاح عرابى احمد عرابى :هو مش هوجه دى هى كانت موجودة ثورة لانها كان فيها محمد عبده وكان فيها الرافعى وكان فيها عبد العال حلمى يعنى ضباط احرار
مفيد فوزى :لأ دى رموز فى الحياة.
عبد الفتاح عرابى احمد عرابى :رموز رموز
مفيد فوزى :تمام حضرتك بتشتغل ايه يا استاذ عبد الفتاح؟
عبد الفتاح عرابى احمد عرابى : انا بشتغل مدرب مهنى فى مديرية الشئون الصحية وطلعت معاش
مفيد فوزى :يعنى ايه مدرب مهنى يعنى بتعمل ايه ؟
عبد الفتاح عرابى احمد عرابى :ملا حظ فنى معلم معلم
مفيد فوزى :معلم ايه ؟
عبد الفتاح عرابى احمد عرابى :خياطة
مفيد فوزى : يعنى .
عبد الفتاح عرابى احمد عرابى : يعنى هنا فى مركز تدريب بنبدأ ان احنا نعلم الناس
مفيد فوزى :اه وخرجت معاش؟
عبد الفتاح عرابى احمد عرابى :وخرجت معاش الحمد لله
مفيد فوزى :اه ايه الشئ اللى انت فخور به من احمد عرابى ؟
عبد الفتاح عرابى احمد عرابى : ان انا حفيده
مفيد فوزى :ده مصدر فخر بالنسبة لك ؟
عبد الفتاح عرابى احمد عرابى :طبعا
مفيد فوزى :معروف فى البلد وكدا؟
عبد الفتاح عرابى احمد عرابى : معروف فى البلد اه اه معروف فى البلد وفى الشرقية كلها
مفيد فوزى :ليك نشاط سياسى ولا حاجه ؟
عبد الفتاح عرابى احمد عرابى : اه ليَ نشاط اناشيخ بلد دلوقتى
مفيد فوزى : شيخ بلد؟
عبد الفتاح عرابى احمد عرابى :شيخ بلد ماهوجدى احمد عرابى ابو احمد عرابى كان شيخ بلد فبرضه ايه اشتغلت شيخ بلد
مفيد فوزى :ده مين اللى عينك ؟
عبد الفتاح عرابى احمد عرابى :اللى عينى شيخ بلد مدير الامن انا قدمت طلب وطبعا وافقوا عليه شيخ بلد
مفيد فوزى :ايه المعلومات اللى انت تعرفها عن احمد عرابى ؟
عبد الفتاح عرابى احمد عرابى :كان وطنى حر هو راح للخديوى وطلب مطالب مع الضباط الاحرار اللى كانوا موجودين
مفيد فوزى :اه تمام.
عبد الفتاح عرابى احمد عرابى :الا ان الخديوى وافق وافق على ان المطالب بتاعة احمد عرابى زيادة الجيش تشكيل مجلس نيابى اقاله وزارة رياض باشا وافق عليه واستمرعلى كدا وجت الطبيا بتاعت الحربية لما هو مسك لما طلب زيادة الجيش وكون جيش وعمل بتاع جه الاستعمار دائما باستمراريعنى في داء يحاول ان هو يكسرالدول اللى تبدأ تعمل استقلالها بدأ ان هو ايه الخديوى برضه لجأ للاستعماراو لجأ لبريطانيا وفرنسا دى كانت القوى العظمى فى اياميها وبدأ قال لك ايه احمينى لان احمد عرابى ممكن ايه يشلنى من الحكم بدأ يعملوا حرب فى كفرالدوار وبعدين كان عايزيردم قناة السويس فديليسيبس كان موجود فقاله لأ مش فى حد دى قناة دولية مش هقدران انا ايه وعد منى بان مفيش حد من الاستعماريجى هنا لان هو لما انتصرفى كفرالدواروفى اسكندرية ولقى قوات جاءت على التل الكبيروعسكرت عن طريق قناة السويس فوجئ بالكلام ده وبعد كدى طلع الخديوى الناس اللى موجودين بعصيان عرابى للخديوى وده من الحاجه الكارثة اللى هى كانت
مفيد فوزى :تفرض عليه العصيان على الخديوى ؟
عبد الفتاح عرابى احمد عرابى :عصيان على الخديوى
مفيد فوزى :ما احد يعصى امرالخديوى ؟
عبد الفتاح عرابى احمد عرابى :أه ماهو وقف ادام منة
مفيد فوزى :وقف ؟
عبد الفتاح عرابى احمد عرابى :قاله ولقد خلقنا الله احرارا ولن يخلقنا تراثا ولا عقارا فوالله الذى لا اله الا هو اننا لن نورث ولا نستعبد بعد اليوم وده يعنى كان بالنسبة له هدف ووضع يعنى مكنش حد يجرؤ انه يقولها
مفيد فوزى :انت كان عمرك كام سنة ايام الزعيم عرابى ؟
عبد الفتاح عرابى احمد عرابى :لأ محضرتوش
مفيد فوزى : محضرتوش؟
عبد الفتاح عرابى احمد عرابى :محضرتوش
مفيد فوزى :ولدت وعرفت ان انت حفيد؟
عبد الفتاح عرابى احمد عرابى : اه حفيد اه هو هنا فى مقبرة له
مفيد فوزى :فين ؟
عبد الفتاح عرابى احمد عرابى :فى 12 شارع عين الحياة فى مصر
مفيد فوزى :فى مصر؟
عبد الفتاح عرابى احمد عرابى :اه هنا مقبرة مقبرتة
مفيد فوزى :بس دى ؟
عبد الفتاح عرابى احمد عرابى :مقبرتة اللى مدفون فيها
مفيد فوزى : امال ليه ما ادفنش فى الشرقية؟
عبد الفتاح عرابى احمد عرابى :ما هو هنا ماهو كان ساكن هنا
مفيد فوزى :اه
عبد الفتاح عرابى احمد عرابى : ساكن هنا فى السيدة زينب ما اندفنش فى الشرقية فحاولت ان انا اطالب لان المقبرة اتهدمت اتهدت السقف بتعها اتهدرواحنا بنيجى كل سنة من الشرقية بوصفى فى 9سبتمبر بنجيب وفد من القرية بالكامل ونيجى نعمل مسيرة هنا نروح المقبرة ونطلع على رياسة الجمهورية نمضى فى رياسة الجمهورية ونطلع نعرف العيال ونزلهم يروحوا بانوراما يحضروا بالنسبة له المقبرة اللى هى مش نافعة
مفيد فوزى : شايف انه مفيش اهتمام انت شايف انه مفيش اهتمام رسمى باحمد عرابى ؟
عبد الفتاح عرابى احمد عرابى :لأ فى اهتمام فى الشرقية
مفيد فوزى : لكن مش فى مصر؟
عبد الفتاح عرابى احمد عرابى : انا مقدرش اقولك فى مصر فى مصر معمول محطة مترو معمول
مفيد فوزى : معمول؟
عبد الفتاح عرابى احمد عرابى :معمول فى محطة مترو
مفيد فوزى :المترو؟
عبد الفتاح عرابى احمد عرابى : فى السيدة زينب
مفيد فوزى :فى السيدة زينب باسم احمد عرابى
عبد الفتاح عرابى احمد عرابى :ما على اساس فى السيدة زينت وهو موجود كان فى السيدة زينب
مفيد فوزى :ايه تانى ؟
عبد الفتاح عرابى احمد عرابى : فى تمثال للزعيم احمد عرابى
مفيد فوزى :فين حتة؟
عبد الفتاح عرابى احمد عرابى :فى ميدان محطة الزقازيق
مفيد فوزى :فى ميدان محطة الزقازيق ادى نمرة اثنين اه ؟
عبد الفتاح عرابى احمد عرابى : يعنى المدارس فى اسامى مدارس كثيرة جدا
مفيد فوزى :انا عارف هنا فى المهندسين شارع شهيراسمه شارع احمد عرابى .
عبد الفتاح عرابى احمد عرابى :شارع احمد عرابى
مفيد فوزى :ده برضه نسبة لاحمد عرابى ؟
عبد الفتاح عرابى احمد عرابى :لاحمد عرابى الدوله مشكورة انها بتعمل كل الكلام ده اتعمل عندنا متحف وجامع ووحده صحية فى البلد باسم احمد عرابى بس المتحف اتلغى
مفيد فوزى :المتحف اتلغى ؟
عبد الفتاح عرابى احمد عرابى :متحف عرابى اتلغى
مفيد فوزى :ليه ؟
عبد الفتاح عرابى احمد عرابى :اللى هو في احمد عرابى اتلغى بحجه الترميم
مفيد فوزى :يعنى ايه بحجه الترميم قالوا ان هيرمموا؟
عبد الفتاح عرابى احمد عرابى :قالوا هيرمموا ومحصلش بقالوا 10 سنين 15 سنة
مفيد فوزى :وحصل فى ايه بقى ؟
عبد الفتاح عرابى احمد عرابى :مفيش حاجه خالص كل الاثار
مفيد فوزى :مفيش محتويات ؟
عبد الفتاح عرابى احمد عرابى :كل المحتويات اللى كانت موجودة اتخزنت فى المخازن
مفيد فوزى :هل التاريخ انصف احمد عرابى ؟
عبد الفتاح عرابى احمد عرابى : 10 %
مفيد فوزى :اما راى غريب قوى 10%.
عبد الفتاح عرابى احمد عرابى :12%
مفيد فوزى :ليه ؟
عبد الفتاح عرابى احمد عرابى :بالنسبة لسيريلانكا هو لما اتنفى قعد هناك 19 سنة علم الناس القراة والكتابة والقرأن
مفيد فوزى :فين ؟
عبد الفتاح عرابى احمد عرابى :فى سيرلانكا
مفيد فوزى : سيرلانكا اه لما اتنفى اه .
عبد الفتاح عرابى احمد عرابى :لما اتنفى هو قعد 19 سنة هناك قعد هناك
مفيد فوزى :وبعدين ؟
عبد الفتاح عرابى احمد عرابى :علم الناس قران وبتاع مهتمين به المدرسة اللى هى موجودة فى موجودة وعملوا له جامعة
مفيد فوزى :فى سيرلانكا؟
عبد الفتاح عرابى احمد عرابى :اه السفير بتاع سيرلانكا السنة دى جه احنا كنا اتعزمنا السنة اللى فاتت
مفيد فوزى :سيرلانكا فى مصر؟
عبد الفتاح عرابى احمد عرابى :فى مصر اه السنة اللى فاتت جت السفيرة كانت موجودة السفيرده اول لما جه قال اختاران انا اروح ازوراحمد عرابى فالمحافظ بعت لنا وقابلناه فى المحطة
مفيد فوزى :يعنى يعنى اعترافا بفضله ؟
عبد الفتاح عرابى احمد عرابى :اعترافا بفضله اه فا انا احساسى له اسمه ابراهيم انصارى فا احساسى دمة مننا لان احمد عرابى لما اتجوز
مفيد فوزى :احمد عرابى اتجوز؟
عبد الفتاح عرابى احمد عرابى :اه تانى تانى
مفيد فوزى : اه
عبد الفتاح عرابى احمد عرابى :احمد عرابى لما تزوج خلف اربع صبيان هناك
مفيد فوزى :استنى هو تزوج فى سيرلانكا ؟
عبد الفتاح عرابى احمد عرابى :فى سيرلانكا
مفيد فوزى :تزوج سيرلانكية ؟
عبد الفتاح عرابى احمد عرابى :سيرلانكية
مفيد فوزى : الزعيم احمد عرابى المصرى؟
عبد الفتاح عرابى احمد عرابى :اه
مفيد فوزى :وخلف منها؟
عبد الفتاح عرابى احمد عرابى :وخلف منها اربع صبيان وبنات هناك مش عارف اللى هو عبد الرحمن وعبد القادر ومحمود وعبد الله دول جم معاه
مفيد فوزى : صبيان معاه هو خلف كام بنت ؟
عبد الفتاح عرابى احمد عرابى :هناك
مفيد فوزى :كام بنت يعنى ؟
عبد الفتاح عرابى احمد عرابى :هناك معرفش
مفيد فوزى :العدد فى الليمون مثلا؟
عبد الفتاح عرابى احمد عرابى : يعنى لأ مش العدد فى الليمون
مفيد فوزى :اه
عبد الفتاح عرابى احمد عرابى : هوهناك لما كان يمشى كانسان غريب خذ الصبيان بتعتك والبنات لأ
مفيد فوزى :هو القاعدة كدا ؟
عبد الفتاح عرابى احمد عرابى : هى القاعدة بتاعت سيرلانكا كدا اه
مفيد فوزى :فى سيرلانكا انك خلفت؟
عبد الفتاح عرابى احمد عرابى :خذ الصبيان والبنات لينا هنا عيب انها تمشى من عندنا
مفيد فوزى :اه معلومات غريبة قوى اه .
عبد الفتاح عرابى احمد عرابى : وهو بالنسبة له جاب الصبيان وجه
مفيد فوزى :انت عندك ولاد ؟
عبد الفتاح عرابى احمد عرابى :اه انا عندى الحمد لله
مفيد فوزى :كام؟
عبد الفتاح عرابى احمد عرابى :ست عيال
مفيد فوزى :كام بنت ؟
عبد الفتاح عرابى احمد عرابى :بنتين
مفيد فوزى :انت غريب ما بتقولش البنات بتقولش ؟
عبد الفتاح عرابى احمد عرابى :ماشى ما انا بقول
مفيد فوزى :مش انت عندك ولاد ؟
عبد الفتاح عرابى احمد عرابى :الحمد لله
مفيد فوزى :ولاد مش انا بقولك عندك ولاد.
عبد الفتاح عرابى احمد عرابى :الولد يسمى ولد والانثى تسمى انثى
مفيد فوزى :ايوا ما انا نقولك ولاد.
عبد الفتاح عرابى احمد عرابى :اه عندى ثمانية عندى ثمانية
مفيد فوزى :سته ولاد وبنتين؟
عبد الفتاح عرابى احمد عرابى :اه وبنتين
مفيد فوزى :وهما العيله عيله عرابى يعنى ؟
عبد الفتاح عرابى احمد عرابى : كبيرة فى البلد
مفيد فوزى : منجبة ؟
عبد الفتاح عرابى احمد عرابى :اه كبيرة
مفيد فوزى :بتخلف كثير ؟
عبد الفتاح عرابى احمد عرابى :بتخلف
مفيد فوزى :بتخلف؟
عبد الفتاح عرابى احمد عرابى : بتخلف
مفيد فوزى : فهو جاب الاولاد معاه؟
عبد الفتاح عرابى احمد عرابى :جاب الولاد معاه
مفيد فوزى : وساب البنات؟
عبد الفتاح عرابى احمد عرابى :وساب البنات السفير ده انا شكيت فى لما كنت بكلمة عند المحافظ بقوله سيادتك انت حاسس ان انت دمى بس من ناحية الام ضحك
مفيد فوزى : ضحك؟
عبد الفتاح عرابى احمد عرابى :ضحك احساسى بيه ان هو من ضمن احفاد
مفيد فوزى :احمد عرابى ؟
عبد الفتاح عرابى احمد عرابى :من ناحية الام
مفيد فوزى : اه .
عبد الفتاح عرابى احمد عرابى :مش من ناحية الذكور
مفيد فوزى :من ناحية الام اللى هى تزوجها ؟
عبد الفتاح عرابى احمد عرابى :اه اللى هو تزوجها
مفيد فوزى :لكن لم يذكرفى التاريخ فكرة ان هو تزوج سيرلانكية ؟
عبد الفتاح عرابى احمد عرابى :لا تزوج
مفيد فوزى : وخلف منها؟
عبد الفتاح عرابى احمد عرابى :وخلف اولاد
مفيد فوزى : وانقطعت صلتة بالبنات ؟
عبد الفتاح عرابى احمد عرابى :اه انقطعت صلتة
مفيد فوزى :تماما .
عبد الفتاح عرابى احمد عرابى :يعنى هقولك حاجه يا معالى الباشا ان كان فى واحد من مصرمن اسكندرية راح اتعالج فى انجلتروبعد ما اخلص العلاج فلوسة دى اتنشرت فى الجرنال كلها ان جه بيشكرفى حفيد الزعيم احمد عرابى انه كمل له علاجه على نفقتة الخاصة وادا له العلاج وجه وده كان موجود عنده واحد من الاسكندرية مهندس بيتعالج برة فى الاسكندرية الا ان هوالفلوس مكفتش فقال له انا مسافر مصرقال له انا حفيد الزعيم احمد عرابى وكمل له العلاج وجه كتب الكلام ده واتنشر وشكراسرة الزعيم احمد عرابى من ضمن الحاجات
مفيد فوزى :انت بتعتقد ان احمد عرابى وزنة فى التاريخ ايه
عبد الفتاح عرابى احمد عرابى :وزنة قوى فى التاريخ
مفيد فوزى :فى كتب المدارس ؟
عبد الفتاح عرابى احمد عرابى : لأ بتخف شوية شوية بتخف بالنسبة للتاريخ كان الاول كمية كبيرة لكن قلت
مفيد فوزى : لكن منصفة ده السؤال انصفت احمد عرابى ؟
عبد الفتاح عرابى احمد عرابى :انصفتة 50%
مفيد فوزى :50% اذا انت شايف انصفتة 50% وشايف ان الاهتمام به فى مصر 10%؟
عبد الفتاح عرابى احمد عرابى :10% بقول لسعتك المقبرة بتاعته
مفيد فوزى :اه انت كمان؟
عبد الفتاح عرابى احمد عرابى : انا طلبت بقالى عش سنين ان انا ابنى له مقبرة على حسابى او بالنسبة للبلد ونعمل له مقبرة من ضمن الحتة اللى موجودة من ضمن المسجد والمتحف ويبقى موجود كرمز 00 شكرا للزعيم
فاصل
مفيد فوزى : دكتورة سلوى مشرفة صححى لى الخطأ اللى بيتقال باستمرار يقولوا مصطفى مشرفة ده صح؟
عبد الفتاح عرابى احمد عرابى :لأ
مفيد فوزى : الصح ايه ؟
د/سلوى مشرفة :انا هقول جايه منين مصطفى مشرفة كان بيمضى التايتل بتاعته a مصطفى مشرفة اتعرف بانه فى العالم يعنى هو اسمه aطبعا aدى مش بيكتبها قوى لكن كاتب a مصطفى مشرفة فطلعت عليه بعد ذلك ان اسمه مصطفى ما اسموش
مفيد فوزى : لكن حقيقة هو العالم المصرى على مصطفى مشرفة .
د/سلوى مشرفة :عطية جعفر مشرفة
مفيد فوزى : ده الاسم بالكامل؟
د /سلوى مشرفة :ايوا
مفيد فوزى : تانى .
د /سلوى مشرفة :على مصطفى عطية جعفر احمد مشرفة
مفيد فوزى : حضرتك حالىَ عملك ايه؟
د /سلوى مشرفة :انا استاذ بالمركز القومى للبحوث ففى taitkinz فى اللى هو كميت النبات
مفيد فوزى :كميت النبات ؟
د /سلوى مشرفة :ايوا
مفيد فوزى :هل ورثتى ده فى الجينات عن العالم العظيم ؟
د /سلوى مشرفة :لأ الصراحة لان هو
مفيد فوزى : ما دام انتى بتشتغلى فى هذا المجال يعنى هو جزء ايضا من امتداد ....؟
د /سلوى مشرفة :يعنى اللى قصدى اقوله دلوقتى ان هو كان عبقرى وحاجه فازة يعنى خدنا منه النباهة خدنا منه شوية لكن ما نقدرش نقول ان احنا زية هو كان انا لما دخله كليه العلوم وكلهم قالوا لى انت بنت الدكتور مشرفة يبقى قلت لهم لآ ما تتصوروش لأ انى عبقرية هو اللى كان عبقرى وكان منظم جدا فى تفكيرة وتصرفاته فا مش انا انا هو اخذت منة عدم الغباء يعنى ههه
مفيد فوزى : الفطنة الفطنة ؟
د/سلوى مشرفة :منيش غبية اه
مفيد فوزى :ده جميل جدا كان بيراسل انشتين ؟
د/سلوى مشرفة :ايوا فى اخرايامة
مفيد فوزى :انا لما قرات المعلومة اتهزيت كده.
د/سلوى مشرفة :اه اه
مفيد فوزى :ان مصرى كان يراسل انشتين شئ عظيم يعنى الاهتمام الرسمى به ايه دلوقتى فى مصر؟
د/سلوى مشرفة :اخيرا حصل فى اهتمام طبعا بتعلم له تمثيلية على تاريخ حياته.
مفيد فوزى :مسلسل قصدك؟
د/سلوى مشرفة :مسلسل ايوا للسيدة انعام محمد على
مفيد فوزى :طبعا المبدعة انا بسميها كدا لما بيجوا يجيبوا سيرة انعام محمد على ما اقولش المخرجه اقول
مفيد فوزى : المبدعة انعام محمد على .
د/سلوى مشرفة :بالضبط.
مفيد فوزى :بقول ده علنا عشان بحترمها كمخرجه.
د/سلوى مشرفة :ومعاها سيد محمد السيد عيد
مفيد فوزى :ايوا امال .
د/سلوى مشرفة :والاثنين الحقيقة ممتازين فهما بيعملوا المسلسل عليه فى السنوية المئوية بتاعته فى سنة 1998 تصادف عند حياتة عنده 100 سنة يعنى
مفيد فوزى :انا اكتشفت ان انهارده 16 يناير 2010 اكتشفت ان 16 يناير ده تاريخ وفاتة يبقى مر كام سنة على وفاتة ؟
د/سلوى مشرفة :60 سنة
مفيد فوزى :60 سنة واكتشفت ايضا ان فى فى دمياط نوع من تمثال
د/سلوى مشرفة :تمثال لأ
مفيد فوزى :حضرتك دمياطية طبعا؟
د/سلوى مشرفة :اه طبعا هو ده
مفيد فوزى : الرجل ده كان سخى فى العلم ؟
د/سلوى مشرفة :ايوا
مفيد فوزى :وكان كريما فى عطائة على عاده بخل الدمايطة ؟
د/سلوى مشرفة :لأ حرام محناش بخلا والله محناش بخلا
مفيد فوزى :الرجل لي َصديق كبيرصلاح منتصر
د/سلوى مشرفة :اتفضل
مفيد فوزى :يدافع بشدة وييقول ليس هناك بخل لكن هناك حرص هو فعلا الدمايطة حريصين؟
د/سلوى مشرفة :الدمايطة حريصين وانا اقدراتكلم على ان الستات الدمايطة يعنى هما بعملوا الحاجات فى البيت ميجبوش من برة
مفيد فوزى : يجبوش من برة ؟
د /سلوى مشرفة :ميجبوش حاجه من برة ما يجبوش مثلا مربى من برة المخلل
مفيد فوزى : يعملوها فى البيت ؟
د /سلوى مشرفة :يعملوها فى البيت
مفيد فوزى :المشبك فى البيت؟
د/سلوى مشرفة :اه الحاجات دى
مفيد فوزى : العسل فى البيت ؟
د/سلوى مشرفة :بالضبط
مفيد فوزى : الخروب ؟
د/سلوى مشرفة :الخروب منا بقول اهو
مفيد فوزى :والخروب برضه فى البيت ؟
د/سلوى مشرفة :فى البيت اه
مفيد فوزى : والخروب ده بسكر؟
د/سلوى مشرفة :ايوا
مفيد فوزى : بسكر يعنى بتحطى له سكر؟
د/سلوى مشرفة :ايوا اه
مفيد فوزى :انا استعرت احدى الصورمن احد المتاحف والصور دى بيها الصورة دى فيها الملك عبد العزيز ال سعود وفيها عبد الرحمن عزام وفيها الملك فاروق وفيها فيما اتصوردكتورعلى مصطفى مشرفة صح؟
د /سلوى مشرفة :ايوا مضبوط
مفيد فوزى :وهو كا ن ممكن يقعد على مصطفى مشرفة جنب الملك فاروق من غير ما ياخذ رتبة باشا؟
د/سلوى مشرفة :هو اخذ البشوية بمناسبة
مفيد فوزى : القعده دى ؟
د/سلوى مشرفة :الزيارة بتاعت عبد العزيزالملك عبد العزيز
مفيد فوزى :اسألك سؤال سخيف ؟
د/سلوى مشرفة :اتفضل
مفيد فوزى :راح قدم للملكة الشكر؟
د/سلوى مشرفة :لأ حقيقى لأ هو كره طول حياته ان يلقب بباشا
مفيد فوزى :لأ استنى يعنى الملك انعم عليه بالباشاوية مرحش السرايا يشكر؟
د/سلوى مشرفة :لأ مرحش السرايا يشكر وكان عمرة محدش يقدريقوله يا باشا يقوله يا دكتور مشرفة انا قدرت يعنى انا دكتورمنيش باشا
مفيد فوزى : اصل مش عايز اقول ان القيمة العلمية للدكتورعلى مصطفى مشرفة هى الباقية فى حياتة اما وظلت هذه القيمة حتى الان اما البشوية فرتبة ذهبت مع الزمن دكتورة سلوى مشرفة حضرتك قولتى لى الاهتمام الرسمى مؤخرا والتمثال فى دمياط.
د/سلوى مشرفة :فى دمياط سنة 98
مفيد فوزى :ايه ايه القيمة التى يطرحها على مصطفى مشرفة فى حياتنا غير الدقة الشديده دى المتناهية والبحث الدائم فى العلم ؟
د/سلوى مشرفة :لو نبحث فى حياتة من يوم ما اتولد واد ايه هو كان منظم وكان دؤؤب على العمل
مفيد فوزى :تحسى كدا انه خد الدكتوراة وعنده 24 سنة ؟
د/سلوى مشرفة :الضبط
مفيد فوزى : المعلومات بتقولى كدا.
د/سلوى مشرفة :مش الدكتوراة بس ده اخذ dsc كمان هما وقتها مكنش فى الا 7 فى العالم عندهم dscالا هو وال 7 دول معندهمش 25سنة 4 - 25 يعنى على بال ما اخذها كان عنده 25
مفيد فوزى : 25 سنة ؟
د/سلوى مشرفة :ال dscلحد وقتنا هذا اللى بياخذ الdsc بيكون فوق ال 50 مبيكونش عنده حاجه وعشرين سنة هو طبعا حصل على هذا انا بقول طبعا دى حاجه من عند ربنا سبحانة وتعالى هو اد له الموهبة والعبقرية اللى كان فيها هوعشان كدا حضرتك لما بتسألنى انا اخدت منه حاجه انا ما اخذتش منه حاجه ما اخذتش نفس العبقرية ونفس الحظ بتاعة هو اخذ حظ فظيع ربنا سبحانة وتعالى فى انه يكون عبقرى بهذا النص ويكون عنده 25 سنة وعنده DSC ولحد 25 سنة كانت حياتة يعنى والده توفى وهو عنده 11 سنة وكان مسئول عن عائلتة 3 ولاد وبنت هو اللى كان بياخذ باله منهم وفضل باستمرار هو العائل بتعهم لحد ما توفى يعنى قصدى اقول ان هو حياتة كانت بنظام معين مش زى اى حد تانى وعملت منة هذه الشخصية ان بعد ستين سنة بنتكلم عليه
مفيد فوزى : ماهو عفوا ده جيل قيمتة فى علمة قيمتة فى عطائة قيمتة فى الزمن الذى خرج منه انه كان زمن يعنى بالقيمة يعنى بالمعنى يدرك جيدا ان العلم سلاح مهم فى نهضة الدول وليس جيل ميدو واحمد حسن مع احترامى طبعا لميدو واحمد حسن وكل يعنى هو دكتورعلى مصطفى مشرفة ازاى تنبأ بوفاتة معلومة غريبة قوى ؟
د/سلوى مشرفة :هو فى الحقيقة وقت ما انا اتولدت كان تعبان فى سويسرا كا ن فى اتجاهة لانشتين الحقيقة ان انشتين كان فى بينهم مراسلات فا انشتين دعاة رسميا وهويقدرعلى حساب
مفيد فوزى :عايزين نقول للناس من هو انشتين ؟
د/سلوى مشرفة :انشتين العالم الكبير الذى
مفيد فوزى : صاحب النظرية النسبية ؟
د/سلوى مشرفة :الذى اسس النظرية النسبية واللى والدى وقتها تراسل معاه وكان فى حاجه بينهم فى المباحثات على النظرية النسبية وانشتين عرف ان هو شخص كويس وعارف ايه
مفيد فوزى :على فكرة اللى راح يقابله فى سويسرا اسمه على مصطفى مشرفة يعنى لازم انبه بس علشان ندرك كيف كنا بالامس وكيف اصبحنا عرف ازاى انه على وشك الرحيل ؟
د/سلوى مشرفة: لما رجع من سويسرا انا كنت اتولدت فالحقيقة انه قال لوالدتى مش هعيش اربيها انا ادامى 3 سنين سنتن ونص 3 سنين
مفيد فوزى :ياه الى هذا الحد وفعلا؟
د /سلوى مشرفة :هو بعد سنتين ونص بالضبط هو اتوفى وانا عندى سنتين ونص
مفيد فوزى : دكتورسلوى مشرفة لم يمت على مصطفى مشرفة فهو باقى فى رايئ هو باقا علما واحتراما وقيمة مصرية .
فاصل
فى يوم من الايام هحطى لكم حكايه صغيرة كده دخلت علينا الاذاعية الكبيرة القديرة امال فهمى بهو احد الفنادق وكان الموجودين هما وجدى الحكيم امين بسيونى كامل البيطارشاعرالاغانى عبد الوهاب محمد وطبعا كان موجود الراحل الكبير محمد علوان دخلت باكية بكاء مر اندهشنا جدا وسالناها صمتت ترجع تعيط تانى فالاستاذ امين بسيونى برقتة المعهوده قال لها فى ايه يا امال متحكى ما تتكلمى استاذ محمد علوان طول عمرة ملتزم قال لها ايه يا امال خير قال جمله من كلمتين بيرم مات بيرم مات دى تعنى لامال فهمى الكثيرلان بيرم التونسى كان هواللى بيكتب فوازير السيدة امال فهمى على امتداد السنين وطبعا كانت فوازيرامال فهمى تمثل فى وجدان الشعب المصرى اشياء كثيرة جدا وهى بتتزاع فى شهررمضان العبد لله بكل تواضع قلت لها مدام امال ليه مروحتيش حضرتك للفنان الشاعر صلاح جاهين ردت بغضب وقالت رحت له قال انا ما اعملش حاجه ورا بيرم التونسى انا ما البسش بدله ابويا جملة تعنى ان صلاح جاهين هذا العبقرى مش قادر يعمل حاجه ورا الشاعر بيرم التونسى بكل تواضع قلت لها تسمحى لى اجرب فوازير نثرية طبعا ما اقدرش اقرب انا ناحية الزجل ولا الشعرعملت فوازيراختبرها بابا شارو واذيعت فيما بعد على مدى عشر سنين ده كان اول صلتى فى الاذاعة المصرية بيرم مات جمله امال فهمى كل اللى فى ذهنى عن بيرم مقدرتة اللغوية غير المعهوده ولا المسبوقة يكفى ان الشاعر احمد شوقى قال فى يوم من الايام لست اخاف على الفصحى الا من عمية بيرم بيرم التونسى اسم كبير دخل وجدا الناس والحس الشعبى ويعتبر امام امام بحق للزجل والكلمة مملكة الحرف هو احد فرسانها ضيفى اليوم فى حديث المدينة الاستاذ محمد رامز وهو مدير ويكاد يكون ايضا مستشارمالى لاحدى الشركات محمد رامز هو حفيد بيرم التونسى ومهم قوى ان الواحد يعرف كيف يفكرالحفيد فى جده بيرم التونسى وخلوا ده اول سؤال بيرم التونسى بالنسبة لك ايه ؟
محمد رامز : بيرم التونسى بالنسبة لى قيمة تمثل احد رموزمصرالهامة
مفيد فوزى : ايه ظله عليك ؟
محمد رامز :ظله علىَ القيمة فى حد ذاتها
مفيد فوزى : هل انت بتكتب زجل؟
محمد رامز :لىَ كتابات ولكن مش زجل انا لىَ كتابات نثرية ودى مستقله عن بيرم فى اتجاه اخر خالص انا اتجاهى فى مدرسة شعراء المهجر ابى القاسم الشابى
مفيد فوزى : هل هو بيرم التونسى طول عمرة شاعرالعامية ؟
محمد رامز :بيرم التونسى له ديوان كامل باللغة الفصحى
مفيد فوزى : الفصحى ؟
محمد رامز :وده سبب من ضمن اصدارات الهيئة المصرية العامة للكتاب وهى احد الهيئات اللى بتمثل رمز هام جدا للثقافة المصرية
مفيد فوزى : بيرم التونسى خلف اد ايه ؟
محمد رامز :بيرم التونسى عنده محمد نجيبه صبريه محى ايمن
مفيد فوزى : دول ولاده؟
محمد رامز :دول ولاده
مفيد فوزى : حضرتك من مين فيهم ؟
محمد رامز :انا من صبرية
مفيد فوزى :ليك اخوات ؟
محمد رامز :ليَ دكتورمحمود استاذ كيميا فى جامعة منوف وسهيرمديرعام فى الهيئة العامة للبترول وفى اولاد الحاجه نعيمة ,استاذ اسامة راتب ده راجل اعمال فى الخليج فى الاستاذة الفت والاستاذه اهله
مفيد فوزى : اتعمل مسلسل عن بيرم التونسى ؟
محمد رامز :بيتعمل مسلسل من خلال الكاتب محفوظ عبد الرحمن وهو رجل اكن له كل الاحترام ويمثل قيمة للكتاب لكن كان معلوماتنا عن هذا المسلسل متمثله فيما تنشرة الجرائد والدوريات والمجلات
مفيد فوزى : بمعنى ؟
محمد رامز :بمعنى كان يهمنا ان احنا نتأكد من ان الصيغة التى تكتب عن بيرم لن يتم بها اى تحريف مقصود او غير مقصود طبعا انا هنا كونها فى يد الاستاذ محفوظ عبد الرحمن ده فى حد ذاتة ثقة كبيرة انه لن يتحرى الا كل الدقة
مفيد فوزى :السيرة الذاتية هل مفروض ان تطلع الشخص ملاك؟
محمد رامز :السيرة الذاتية اعرفك هى مرأة تعكس الحقيقة والواقع دون رتوش
مفيد فوزى :يعنى هل بعض نقاط الضعف فى الشخصية اليست دى صفة بشرية ؟
محمد رامز :ثقافة الضعف فى الشخصية قد تكون هى نقاط القوة
مفيد فوزى :لأ معلش قد تكون نقاط القوة؟
محمد رامز :اه
مفيد فوزى :من ذكرها فى السيرة الذاتية ؟
محمد رامز :لأ ليس بعيب
مفيد فوزى :ليس بعيب؟
محمد رامز :ايوا ليس بعيب اطلاقا لان انت هنا بتأخذ القيمة ديت ككل هذا الكل بقى جواه مزيف مختلف وده وضع طبيعى
مفيد فوزى :انت فيك ايه من قسمات وجه بيرم التونسى ؟
محمد رامز :انا مقدرش اقول انا فيَ ايه
مفيد فوزى :يعنى انت اللى بقوله لك لانك انت حفيده .
محمد رامز :كتشابة فى الشكل
مفيد فوزى :نعم فى الحقيقة انا ما سمعتش تشابة بالنسبة لشكل بيرم.
محمد رامز :ولكن فى استاذ اسامة دكتورمحمود اخويا صورمن بيرم لان بيرم كان حضرتك عارف شعرة اصفروعيناة زرقاء انا العكس صحيح انا طالع لوالدتى
مفيد فوزى : طالع لوالدتك ؟
محمد رامز :اه
مفيد فوزى : قصيده بائع الفجل اللى تقريبا؟
محمد رامز :المجلس البلدى
مفيد فوزى :اه كان ايه بالضبط؟
محمد رامز :قصيدة المجلس البلدى حضرتك طلعت لما الاحتلال قعد يفرض فى ضرائب الى ان اكتوى من لا قدرة له على شراء الرغيف فكان الضريبة مااخذتش فى الاعتباراى بعد اجتماعى او اى بعد انسانى للناس اللى عايشة فبالتالى كانت هى سبب شهرة بيرم هذه القصيدة يا بايع الفجل بالمليم كام للعيال وكام للمجلس البلدى يعنى هنا بيتكلم على اللى بيبيع الفجل
مفيد فوزى :اه
محمد رامز :الحزمة بمليم
مفيد فوزى :اه
محمد رامز :ايام ما كان المليم فى نص مليم
مفيد فوزى :افتكر المليم توفى مش كدا؟
محمد رامز :المليم توفى والشلن والبريزة
مفيد فوزى :اه والشلن والبريزة.
محمد رامز :اعتقد
مفيد فوزى : اه
محمد رامز :اعتقد هذا
مفيد فوزى : دلوقتى الى مثواهم الاخير.
محمد رامز :دلوقتى فى الربع جنية
مفيد فوزى :الربع جنية ده اول شئ يعنى ؟
محمد رامز :ده الربع جنية دلوقتى بيرم تجول فى قاع المجتمع
مفيد فوزى : نعم
محمد رامز :حضرتك علشان تحس بالمعاناة اولا بادئ ذى بدئ نقول بيرم كان بالطبيعة يشغله الشأن العام او الهم العام فبالتالى الانسا ن اللى بهذه الصفة طبيعى جدا انه بينزل لغايه القاع وبحس بهذه الالام كأنها الالامة هناك فرق بين ان انا اشوف الحاجه ومحسهاش وبين ان انا احس بغيرى
مفيد فوزى : كان له راى جميل جدا فى الستات هل تتذكر هذا؟
محمد رامز :لكل شئ له اوان الا النسوان
مفيد فوزى : ايوا يعنى ايه بقى افهم ؟
محمد رامز :والله دى وجه نظرة وبعدين
مفيد فوزى : كل شئ له ؟
محمد رامز :موسم واوان
مفيد فوزى : موسم واوان ؟
محمد رامز :الا النسوان
مفيد فوزى : يعنى ايه دى بقى ؟
محمد رامز :دى وجهة نظرة وبعدين الجمال
مفيد فوزى :كل شئ له؟
محمد رامز :موسم واوان
مفيد فوزى : موسم واوان ؟
محمد رامز :اه
مفيد فوزى :الا النسوان ؟
محمد رامز :اه
مفيد فوزى :بمعنى ايه كان يقصد ايه ؟
محمد رامز :يعنى حضرتك
مفيد فوزى : من خلال فهمك؟
محمد رامز :يعنى حضرتك من خلال فهمى امير الشعراء قال وكل مليحة بمذاق
مفيد فوزى : ده احمد شوقى
محمد رامز :اه دى حاجه الحاجه الثانية ده ان صادقتنى الذاكرة يعنى اعتقد ان محمد فوزى جه مرة فى اغنية اتكلم فيها على ان الستات زى الازهارزى الورود فحضرتك هى اختلاف فى وجهات النظر بمعنى انت ترى الجمال فى شئ معين فى واحد ثانى ميشفش فيها جمال
مفيد فوزى : بيرم التونسى كان هجاء ؟
محمد رامز :ابدا
مفيد فوزى :يعنى مثلا مجلة يعملها يسميها الخذوق؟
محمد رامز :المعنى فى بطن الشاعر هو هنا بيرم لما سمى الخذوق والمسله حضرتك دى اسماء رمزية
مفيد فوزى :نعم .
محمد رامز :لان بيرم واضح راجل كان ضد الظلم موقفة متعاطف مع الانسان الكادح المطحون
مفيد فوزى :ليه فهمنى علشان خاطرالناس تعرف باعتبارك حفيده واكيد طبعا عندك دفتر احواله ان صحت العبارة ليه كان كادح بهذا المعنى قلت انه فى يوم من الايام هاجم زوج الاميرة؟
محمد رامز :ماى هاجم زوج الاميرة ده كان علشان حاجه معينة حدثت يعنى انا من ضمن الصفات الخاصة بيا ما احبش الخوض فى السيرالشخصية
مفيد فوزى :اه
محمد رامز :لكن هو كان فى هذا التوقيت حدث زواج.
مفيد فوزى :الاميرة فوقية ؟
محمد رامز :اه الاميرة فوقية بنت الملك فؤاد واتقال انه الجواز تم قبل عقد القران وده كلها امور شخصية كان بيرم له موقف منها ده كان ان بيرم اشار ليها ليه لانه كان هناك مكاسب اخرى ملاحظات لبيرم عايز يقولها سواء من الاحتلال اوالاسرة المالكة
مفيد فوزى :بس دفع الثمن النفى الى تونس.
محمد رامز :دفع الثمن النفى مرتين حضرتك
مفيد فوزى :ا من اجل هذا بقى اسمه بيرم التونسى .
محمد رامز :لآ بيرم التونسى مولود فى الاسكندرية
مفيد فوزى :اه
محمد رامز :الاب مولود فى الاسكندرية والام
مفيد فوزى : هوتونسى برضه ؟
محمد رامز :لأ هو اسمه محمد محمود مصطفى بيرم
مفيد فوزى :ده اسمه الحقيقى ؟
محمد رامز :اسمه الحقيقى فى الورق الرسمى محمود محمد مصطفى بيرم وهناباستدعى كلمة انه لما رجع من النقى الاولانى وقال انه زورجوازالسفر هو فى الحقيقة ما زورش جوازالسفرهو طلع باسم محمد مصطفى فده مكنش تزوير ده جزء من الاسم لانه مش معقول كان صاحب موقف ويزورمينفعش الرياء لا ينفع مع الحقيقة ادى واحد اثنين بالنسبة لميلاده بالاسكندرية ابو ميلاده بالاسكندرية جده لابوة تونسى ينتمى الى احد الاسر التونسية التى تنتمى الى بعض الامراء الناس فى هذا التوقيت دول كانوا شغالين فى التجارة ولما نقول تجارة برضه اناعايز اوضح نقطة فى اللى يقولك كان بقال وفى اللى يقولك كان بيبع حريروفى اللى يقول كان صانع
مفيد فوزى :على بيرم التونسى ؟
محمد رامز :على بيرم التونسى او اجداده
مفيد فوزى : اه
محمد رامز :التجارة فى هذا التوقيت مهنة مرموقة كما حضرتك تعلم
مفيد فوزى :نعم
محمد رامز :فكانت التجارة بمعنى التجارة يمكن حضرتك تفتكره ترزى
مفيد فوزى :تمام
محمد رامز :فالتجارة فى هذا التوقيت مع فرق التشبية هنا
مفيد فوزى : اتنفى اد ايه بيرم التونسى ؟
محمد رامز :بيرم اتنفى 20 سنة متوسط اول نفى له كان سنة 1920 فى اغسطس ليلةعيد الاضحى
مفيد فوزى :انت فاكربالتاريخ يعنى ؟
محمد رامز :اه انتفى وكانت
مفيد فوزى :20 سنة؟
محمد رامز :اه وكانت زوجتة حامل فى امى الله يرحمها
مفيد فوزى : والده حضرتك شخصيا؟
محمد رامز :نعم رجع اللى هى اسمها صبرية
مفيد فوزى :اه
محمد رامز :محمود بيرم التونسى
مفيد فوزى :يعنى هى مشفتش؟
محمد رامز :مشفتوش غير وهى سنة 18 سنة
مفيد فوزى :لما رجع مصر ؟
محمد رامز :لما رجع
مفيد فوزى :مين اللى عفى عنه؟
محمد رامز :اللى عفا عنه هو لما حضرتك رجع طبعا لازم هنا انوه بشئ انه لما رجع رجع من خلال بورسعيد اللى شاف بيرم زى ما قلت لحضرتك يبان انه اجنبى
مفيد فوزى :اه
محمد رامز :فكلم واحد من البمبوتيه قال له انا عايز ادخل فا الراجل بالحس الوطنى حس ابن البلد ساعده ودخله كان مين اللى تولى بقيت المساعده زوج السيدة نجيبة اللى هى خالتى فى الوصول الى القاهرة لما وصل للقاهرة كان الملك فاروق هو اللى متربع على عرش مصر فاولاد الحلال اتكلموا عند الملك فاروق
مفيد فوزى :قالوا له قدم التماس؟
محمد رامز :اه وقدم التماس وقد كان العفو وبعدين التحق بجريده الجمهورية وكان بعد قيام الثورة التحق بجريده الجمهورية وكان الرئيس السادات موجود فى جريدة الجمهورية
مفيد فوزى :رئيس مجلس الادارة والتحرير ؟
محمد رامز :اه لان بيرم الثورة لم تؤثر معاه ومصر كمصرما اثرتش معاه لان بيرم يعتبر مفجر لثورة 23 يوليه ثورة 23 يوليه هى ثورة جاءت بمفاهيم اجتماعية
مفيد فوزى :بيرم عبرعنها بايه ؟
محمد رامز :بيرم عبرببياع الفجل بالمليم وبدأنا من كلام استاذنا طه حسين انه لازم العلم يكون كا الماء والهواء بيرم احساسة بالطبقة العاملة والاحساس بالشعورالعام بتاع السواد الاعظم من المجتمع كان نبض من نبضات الثورة اللى تمثل فى القوانين الاشتراكية ولاشك يكون فى معترض على هذا الكلام لكن لاشك ان الثورة كانت مشروع ومشروع بيمثل منعطف رئيسى
مفيد فوزى :افتكرالرئيس عبد الناصراد له جائزة الدولة ؟
محمد رامز :ادله وسام الجهورية من الطبقة الاولى ومنحة الجنسية لانه كان على ورق رسمى من الجد هوتونسى
مفيد فوزى :ام كلثوم وبيرم التونسى ؟
محمد رامز :علاقة كويسة جدا
مفيد فوزى :اشهرحاجه غنتها ايه ؟
محمد رامز :هو صحيح
مفيد فوزى :الهوا غلاب ؟
محمد رامز :اه
مفيد فوزى :هو صحيح الهوا غلاب يا استاذ محمد.
محمد رامز :ده اكيد
مفيد فوزى :اش عرفك يعنى عن تجربة ؟
محمد رامز :ده يعنى موضوع تانىمحتاج حلقات
مفيد فوزى :لكن يعنى هو الهوا غلاب؟
محمد رامز :ده اكيد يا استاذ مفيد
مفيد فوزى :وهوبيرم كتب ده من واقع ايه علاقاته العاطفية كان ايه علاقته بالمراة وده الجانب اللى منعرفوش؟
محمد رامز :علاقتة بالمراة
مفيد فوزى : والمفروض ان احنانعرفة من حضرتك ؟
محمد رامز :هو برضه انا قلت لحضرتك سابقا ان الحياة الشخصية للانسان هى ملكه لكن لو سألتنى
مفيد فوزى :بس بيرم التونسى ما عاد مجرد شخص عادى بيرم التونسى وافتكرفى ناس عملوا دراسات وخذوا شهادات دكتوراة فى 15 رسالة دكتوراة وماجسيتير مش ممكن دول ميكونوش تعرضوا لحياة بيرم؟
محمد رامز :لآلآ متعرضوش لحياته لاعلاقات عاطفية
مفيد فوزى :وهو كان له علاقات عاطفية كثيرة؟
محمد رامز :يعنى دى مااقدرش اجزم بيه لكن انت حضرتك بسألنى هل هو صحيح الهوى غلاب قلت لك اه صح
مفيد فوزى :ايوا انا قصدى اقول ان اللى يقول كده لابد ان يكون قد اكتوى واتلسع هوكان كدا ؟
محمد رامز:ما هو مفيش حضرتك انت ادرى منى ان المعاناه هى الرحمالاساسى للابداع المعاناه بانواعها
مفيد فوزى :نعم نعم
محمد رامز :يعنى الدكتورابراهيم ناجى فى قصيده الاطلال لا تقل شئنا لكن الحظ شاء ادى الدكتور ابراهيم ناجى
مفيد فوزى : انا بعتقد انه لا تقل شئنا انما القدرشاء .
محمد رامز :ده اكيد
مفيد فوزى :الحظ دى يمكن وضعت من اجل...؟
محمد رامز :التخفيف بعض الناس اصل عندهم كلمة القدر دى
مفيد فوزى :موت ؟
محمد رامز :اه
مفيد فوزى :ماذا تبقى من بيرم التونسى ده اخر سؤال؟
محمد رامز :ماذا تبقى من بيرم التونسى تبقى من بيرم التونسى اعماله وافكارة
مفيد فوزى :الدولة فى اهتمام بذكراه؟
محمد رامز :هقول لحضرتك ببساطة شديده جدالما الدوله نما الى علمها من يقوم بكتابة بيرم التونسى القطاع الخاص وقفت وقفة مع الاستاذ محفوظ عبد الرحمن وقالت له ادفع الفلوس تانى القطاع الخاص اللى كلفك هوبيرم ملك الدوله ملك مصرفده فى حد ذاته
مفيد فوزى :موقف يحترم .
محمد رامز :يحترم ويسجل للدولة اللى هى مصر
مفيد فوزى :فى ايه من جيناتك من جينات بيرم التونسى حبك للنساء حبك للزجل؟
محمد رامز :لآ حبى للمواجهة لما اشوف الغلط اقول ده غلط
مفيد فوزى : وتستحمل ؟
محمد رامز :وبستحمل وبدفع الثمن
مفيد فوزى :حتى لو اتنفيت؟
محمد رامز :وبدفع الثمن
مفيد فوزى :اتنفيت فى الداخل
محمد رامز :اه