بالفيديو.. والد الطفل الشهيد «بائع البطاطا»: هتجيب لي منين عمر يا مرسى.. انت معاك عمر وأنا عمر بتاعى ضاع

* ملفات وتحقيقات
بيقولوا اللى نجح مرسى هي سوهاج أنا بقول دلوقتى هتقولى إيه يا سوهاج .. هتقولوا إيه يا صعايدة لما تعرفوا إن مرسى قتل ابنكم
* ‫حسن شاهين‬
وجه "صلاح عمران" والد الطفل الشهيد "عمر" بائع البطاطا رسالة للرئيس مرسي حمله فيها مسئولية قتل نجله .. وقال والد الطفل الشهيد "هتجيبلى منين يا محمد يا مرسى عمر تانى.. كان دراعى اليمين وبيساعدنى.. عشان إحنا عايشين اليوم بيومه .. كان عنده 12 سنه بس كان راجل وعلى طول كان بيساعدنى في مصاريف البيت" وأضاف " كنت بروح تعبان ومفيش في البيت فلوس كان بيخلينى نايم ويحط 50 جنيه 60 جنيه في جيبي ويمشى".
وتابع عمران رسالته والتي وجهها عبر برنامج أخر النهار الذي يقدمه الإعلامي محمود سعد "هو الفقير مات خلاص موتوا الفقير.. لو موتوه إحنا لينا رب اسمه الكريم" وأضاف في رسالة حادة للرئيس "انت معاك عمر وأنا عمر بتاعى ضاع.. بيقولوا اللي نجح مرسى هي سوهاج أنا بقول دلوقتى هتقولى إيه يا سوهاج وهتقولوا إيه يا صعايدة لما تعرفوا إن مرسى قتل ابنكم".
وأشار عمران أن حقه وحق ابنه في عنق الرئيس مرسى وأنه هو من يتحمل مسئولية مقتل ولده عمر وتعجب قائلا"مش ربنا قال " وخلقنا بعضكم فوق بعض درجات" موجهاً سؤاله إلى الرئيس محمد مرسى أين الدرجات وأين حق الضعيف لما تقتل ابني وذكر موقفاً لعمر يؤكد رجولته رغم صغر عمره بأنه وقف ذات يوم وشحت 5 جنيهات جاب مناديل ووقف باعها عشان يساعدني لما أخته كانت في المستشفى".
http://www.youtube.com/watch?v=iJqAC3PYmIk
Tags:
* بائع البطاطا
* الطفل الشهيد
* عمر
* مرسي
* سوهاج
مصدر الخبر : البداية