ندا عادل تنفي شائعة زواجها من الشيخ محمد حسان : ولا عمري اتخطبت ولا اتجوزت.. وآخري اسمع الشيخ الشعراوي

* فن
ندا : لو فكرت اتجوز أي حد مهما كان أنا اللي هاعلن .. و لو بعمل حاجة غلط وماخفتش من ربنا أكيد مش هخاف من انسان
* ‫مروة الطوخي‬
نفت الفنانة الشابة ندا عادل ما أثير عن زوجها بالشيخ محمد حسان وقالت في تصريحات خاصة للبداية أنا ولا عمري اتخطبت ولا اتجوزت ومليش علاقة بالسياسة عشان مش بفهم فيها"
وكانت صفحات على فيسبوك وتويتر قد تناقلت صورة ندا وزعمت زواجها من الشيخ حسان وأنها الزوجة الرابعة له زاعمة أنه طلق إحدى زوجاته العام الماضي للزواج من ندا
وقالت ندا " أنا أخري مسلمة الحمدالله لكن آخري اسمع الشيخ الشعرواي و إذاعة القران الكريم وعمري ما اتفرجت علي قناة دينية ومعرفش ولا قابلت عمري شيخ منهم !.
وأضافت " إذا كان أنا في الوسط ما اعرفش حد أصلا غير اللي اشتغلت معهم ! أنا من ساعة ما سمعت الخبر وأنا باضحك لأن مفيش حاجة فيه راكبه علي بعضها و اللي فبرك الموضوع ده صحفي فاشل أصلا مش عارف حتى يفبرك خبر ..
وأوضحت ندا إنها لو فكرت تتجوز أي حد مهما كان فإنها هي التي ستعلن عن ذلك لأني مش بعمل حاجة أخاف منها و لو بعمل حاجة غلط ومخفتش من ربنا أكيد مش هخاف من إنسان ..
وقالت الفنانة الشابة " أكيد مش كل الشيوخ زى بعض ومش عشان حد وحش يبقى.. كل اللي بيتكلموا في الدين وحشين! اتقوا الله وأضافت «الناس اللي قالت كده ناس فاضيه بيعملوا إشاعات علي خلق الله! كل واحد يشوف خيبته أحسن"
و قالت ندا للبداية إنها حاليا في مرحله اختيار بين أكثر من عمل استعدادا لدخولها و سيعرض لها في رمضان القادم مسلسل " كيكا على العالي " إخراج نادر جلال و مسلسل " أهل الهوى " أخراج عمر عبد العزيز و مسلسل " مال و رمال " أخراج رائد لبيب تحت الإعداد حاليا
Tags:
* محمد حسان
* ندا عادل
* الشعراوي
* زواج
مصدر الخبر : البداية