حركة "ابن النظام": أنسي ساويرس يمول حركة "بداية" لإسقاط السيسي

وجه الدكتور شعبان الضبع، المتحدث الرسمى ومسئول المكتب السياسي لحركة "ابن النظام"، رسالة إلى الشعب المصرى، عبر "البوابة نيوز"، قال فيها إن "حركة ابن النظام تأسست لما لقينا السكاكين كترت حول الرئيس عبدالفتاح السيسي من كلاب ومرتزقه وشلل وقبيضة ورجال أعمال بيحاولوا يلووا دراعه علشان يرضخ لهم ويسيبهم ينهبوا البلد تانى".
وأضاف: "عائلة ساويرس دفعت 8 مليارات دولار يعنى 64 مليار جنيه للإخوان وهما اللى بيتصرف بيهم دلوقتى على شراء المفرقعات والسلاح والقنابل اللى ولادنا بيتقتلوا بيها ليل نهار"، لافتا إلى أن "عائلة ساويرس سيطرت على الإعلام واشترته من قنوات وصحف علشان تلوى دراع الرئيس ويرضخ لمؤامراتهم".
وكشف الضبع إن "حركة بداية راعيها وممولها الحقيقى هو أنسي ساويرس شقيق نجيب ساويرس وخمسة من رجال أعمال المجموعة، وأن اسم بداية هو القناع الجديد الذي الذي يرتديه أعضاء 6 أبريل والأولتراس وشباب الإخوان، والكل تعاهد على إسقاط الرئيس والتمويل من ساويرس وعائلته".
كما أكد هانى جابر أبو مصطفى عضو المكتب السياسي لحركة "أن النظام"، إن "ساويرس حلف في جلسات خاصة كتير أن السيسي إما يركع أو يسقط خلال سنة، وأن عائلة ساويرس هي المتحكمه في لوبى رجال الأعمال اللى واقفين ومغرقين البلد فلوس علشان يسقطوا الرئيس السيسي".
ولفت إلى أن آخر اجتماع لرجال الأعمال اعداء الرئيس بقيادة عائلة ساويرس، كان بعد المؤتمر الاقتصادى مباشرة، حيث قرروا فيه "تدمير شعبية السيسي ومنع نشر أو إذاعة أي شيء أو مشروع يتعمل وتهميش أي إنجاز للسيسي وفرض نغمة هوه عمل إيه للغلابة غير رفع الأسعار وتمكين الفلول".
وأضاف: "عائلة ساويرس تقود المافيا الماليه للسيطرة على الاقتصاد المصرى زى ما بتعمل عائلة روتشيلد اللى سيطرت على البنك الدولى وفيه تفاهمات وتعاون قوى بينهم، كما أن عائلة ساويرس تشترى أحزاب كامله ومصممين على حاجه من اتنين إما يسيطروا على مجلس الشعب اللى جاى ويطلعوا القرارات اللى على مزاجهم ويرضخ الريس، ولو مرضخش يشغلوا المجلس ضده طبقا للدستور ووراه لغاية ماتقوم البلد كلها عليه".