سيد علي يطالب الجيش بالاعتذار لباسم يوسف و«حجي»: «بنتعامل زي الخرفان»

طالب الإعلامي سيد على، القوات المسلحة المصرية بالاعتذار للإعلامي الساخر باسم يوسف ، والدكتور عصام حجي ، لصدق ما قالوه عن جهاز «كفتة عبدالعاطي».
وقال «علي» في برنامجه «حضرة المواطن» على قناة «العاصمة»، مساء الإثنين، إنه «على القوات المسلحة أن تقدم اعتذارًا لباسم يوسف ، بعدما خاض حملة محترمة لكشف جهاز عبدالعاطي، وهاجمه الجميع».
وأضاف: «جهاز الشؤون المعنوية وأولي الأمر في مصر بيتعاملوا مع الشعب كإنه خرفان، ومحدش بيطلع يعبرنا بأي كلمة، ولا حد طلع حتى عرفنا وضع الجهاز أيه لحد دلوقتي».
وتابع: "نفس الحكاية لعصام حجي ، وأنا بعتذر شخصيًا له بعدما هاجمته وصدقت كلام المسؤولين في مصر، كنت مصدق البهوات بتوع الشؤون المعنوية اللي بتتعامل معانا كأننا خرفان، وبتبعت لنا وإحنا ننشر دون تحري وتدقيق وراء كلامها".
واختتم سيد على: «أنا عارف إن الكلام ده ممكن يعملي أزمة، ولكني لا أخاف وأقول الحقيقة».