انسحبت الإعلامية ريهام سعيد، على الهواء من حلقة برنامجها على قناة «النهار» حدادا علىمذبحة الدفاع الجوي والتي راح ضحيتها 19 مشجع زملكاوي. وقالت"سعيد" في برنامجها "أخر النهار" على قناة "النهار" الاثنين: "مشكلتنا الأساسية في البلد ان البني آدم مالوش قيمة". وأضافت: «أنا ابني زملكاوي وبيحب يروح الماتشات وتخيلته في نفس الموقف»، وتسائلت: «أكتر من 20 بني آدم راحوا إمبارح إحنا ليه مش عاملين حداد؟». وأكدت ريهام سعيد قبل انسحابها: «أنا مش هتكلم كتير النهاردة، ولكن هحط نفسي مكان أي أم مات أولادها، عايزين تحقيق شفاف، وأقسم بالله العظيم إدارة القناة متعرفش إني هنسحب ومش هكمل الحلقة، رغيت كتير، ومحدش سمع حاجة، أسفة هنسحب على الهواء، أنا جيت علشان أقولكم أنا مش خايفة وأقول كلمة حق، اللي هيقول إني أوفر وبمثل ده مش حقيقي، النهاردة مينفعش أقدم حلقة وأقول حاجة فيه أرواح راحت لا هيا على جبهة ولا رمت مولوتوف ناس رايحة تتفرج على ماتش كان ممكن يبقى ابني، أنا أسفه مش هكمل وهنسحب».