عمرو أديب يدشن حملة "يوم بلا فساد" والتي ستنطلق يوم الاثنين 23 يونيو الجاري

_ دشن الإعلامي عمرو أديب، حملة بعنوان "يوم بلا فساد"، في برنامجه "القاهرة اليوم" على قناة "اليوم"، مساء اليوم، الأحد، مشيرًا إلى أنها ستنطلق، الاثنين 23 يونيو الجاري.
أديب قال: "نجرب، جايز نعرف نعيش من غير فساد، إحنا مش شعب بيحب الرذيلة، بما أننا متدينين وناس راقية وشعوب لها تاريخ، 23 يونيو يوم بلا فساد، واخترنا يوم الاثنين اللي بعد الجاي يوم بلا فساد، وكل واحد ياخد حقه بلا فساد، وهنزل من الصبح قدام ربنا، يا رب أنا مش ناوي أعمل حاجة غلط خالص".
وتساءل: "هل تستطيع أن تقضي 24 ساعة من غير ما تغضب ربنا؟.. ما تكذبش ماتجاملش ماتنافقش، يوم الاثنين 23 يونيو يوم بلا فساد ونعمله هاشتاج، ونحاول يوم نبقى مش فاسدين، يوم نضيف كأنك صايم يا أخي، وأهه صادف يوم الاثنين اليوم اللي الناس بتصوم فيه، هل ممكن نروح حتة نعمل حاجة من غير الشاي بتاع الباشا والدرج مقفول يوم واحد وبعد كده نفتحه تاني؟".