بالفيديو.. مرسي في تسجيل مُسرب مع العوا: ما هو اللي بيَنقلب بيُنقلب عليه، أنت مش فاكر؟!

تداولت وسائل الإعلام مساء اليوم، السبت، تسريبًا جديدًا للرئيس السابق محمد مرسي، والمحبوس على ذمة عدة قضايا، مع الدكتور محمد سليم العوا، رئيس هيئة الدفاع عن الأول.
وبحسب الفيديو، الذي نشرته صحيفة "الوطن" المصرية، فإن العوا تحدث مع مرسي عن تطورات الوضع على الساحة المصرية، مشددًا على ضرورة العودة إلى طاولة الحوار السياسي مع كافة الأطراف المعنية، كالآتي:-
مرسي: قول لي أخبار الدنيا، ملخص سريع كده.
العوا: الدنيا كويسة، لا بأس بها، الناس كلها مشغولة بالانتخابات الجديدة، الصور ملت الشوارع، والمظاهرات موجودة فى كل المدن وكل القرى بالليل كل يوم، والمصادمات ما بتتوقفش، لكن ده كله مالهوش نتيجة، نحن فى عمل غير منتج، العمل المنتج حاجة تانية، العمل المنتج لازم الناس تقعد وتتكلم وتصل إلى حل، بدون الوصول إلى حل يا دكتور محمد ما فيش فايدة، ويعنى..
مرسي: ما فيش فايدة من الناحيتين؟
العوا: من الناحيتين طبعاً.
مرسي: مش كده ولاّ إيه؟
العوا: ما فيش فايدة من ناحيتين، ما فيش فايدة بالنسبة لمصر الحقيقة، أنا مش هاممنى مين ولا مين، أنا مش هاممنى إخوان، ولا هاممنى الفريق أول.. المشير السيسى دلوقتى مش هاممنى، أنا هاممنى البلد.. البلد بتضيع".
كما تحدث مرسي عن احتياجه الشديد للأموال داخل سجن برج العرب، ويبدو ذلك بإلحاحه المتواصل على بأن يجد حلاً لهذه المشكلة، حتى لو تم إعطاؤه الأموال خلال جلسة المحكمة.
مرة أخرى انتقل الرئيس السابق بشكل فجائي لقضية أخرى، وطلب بشكل فيه شغف شديد معرفة ما يجري في مصر، وتم التطرق إلى ترقية المشير عبدالفتاح السيسي وحظه الوافر في كسب الجولة الانتخابية الرئاسية المقبلة، كالآتي:-
مرسي: وهو رقّى نفسه لمشير ليه دلوقتي؟
العوا: لأ ده اللى رقاه المستشار عدلي منصور.
مرسي: لأ، بغض النظر.
العوا: عشان يبقى خد آخر حاجة في العسكرية يعني.
مرسي: عشان لما يبقى رئيس ما يبقاش فيه حد أقدم منه؟ ولاّ عشان ما يبقاش أنا اللي عملته؟
العواي: وما تبقاش أنت اللي عملته، ويبقى قائد أعلى بحق وحقيقي، دي كلها اعتبارات مهمة يعني.
مرسي: وهو عايز يبقى رئيس فعلاً
العوا: هيبقى إن شاء الله.
مرسي: هيسيب الجيش؟
العوا: آه.
مرسي: مش خايف من انقلاب؟
العوا: لا ما خلاص هو هيبقى القائد الأعلى، هو حسني مبارك ساب الجيش، ولاّ الرئيس السادات الله يرحمه ساب الجيش.
مرسي: هيعملوا عليه انقلاب؟
العوا: لأ.
مرسي: ما هو اللي بيَنقلب بيُنقلب عليه، أنت مش فاكر؟