عزيزتي البنت.. كلمتين لمصلحتك

عزيزتي البنت:
أحب أوضحلك شوية نقاط بخصوص كيفية تفكير الولد
1- الرجل مش قارئ أفكار.. تقدرى تتكلمي وخلصينا.
2- التلميحات البسيطة والقوية والواضحة مش هاتتفهم، اسألي بطريقة مباشرة.
3- تاريخياَ كلمه "نعم" وكلمه "لا" وكلمة "أوكى" وكلمة "ماشى" تعتبر إجابة شافية ووافية وكاملة وراقية لمعظم الأسئلة ومش محتاجة شرح ومفيهاش إهانة لكرامتك.
4- لو في مشكله اطلبي نحلهالك، دا تخصص الرجال،
لكن التعاطف دا دور صحباتك وتنت ابتهال اللى ساكنه في الساتت.
5- التصريحات الرجالية صالحة للاستخدام في المجادلات لمده 7 أيام فقط،
أنا مش فاكر الشهر اللي فات قلت إيه أو صرحت بأيه وهل كان في ظروف غامضة ومعينة ولا لأ،
ولا يصح أو يجوز الاعتداد بها كحجة أو برهان على موقف معين.
6- لو كنت فاكرة أنك تخينه ففي الغالب أنتِ تخينة مش لازم تسألي كل يوم.
7- لو إحنا كرجال قلنا حاجة ممكن تتفسر تفسيرين، واحد منهم هايزعلك،
أكيد إحنا نقصد التفسير التاني اللي مش بيزعلك.
8- ممكن تطلبي مننا نعمل حاجة أو تشرحيلنا انتي عاوزاها ازاي، مش الطلبين.
لأنك لو عارفة الحاجتين من الأفضل تعمليها بنفسك، هيلب يور سيلف يا ماما مش محتاج مشرفين عليا.
9- ما تسأليش رأيك إيه ؟ في أي موضوع خصوصا لو إنتى مقررة هتعملى إيه.
10- كريستوفر كولومبوس اكتشف أمريكا من غير ما يسأل على الاتجاهات،،
واحنا كمان مش محتاجين نسأل.
11- بالنسبه للألوان... إحنا زي الويندوز إكس بي، بنشوف ونفهم 16 لون بس
لكن معرفه الفرق بين البيستاج والموف بالنسبه لينا حدث زي عيد طهور سفير السنغال بالزبط.
12- لو سألتك فيه ايه ؟ ورديتي " مفيش حاجة"
99.99 % من الرجالة بتتصرف أن فعلا مفيش حاجة حتى لو كنا عارفين أنك بتكدبي.. بس بنكبر الصراحة مش طلبه هلك.
13- لو سألتِ سؤال مش عاوزه إجابة ليه، توقعي إجابه مش هتكوني عاوزه تسمعيها.
14- وأخيرا.. كون أن قاعدة التواليت مرفوعة أو مش مرفوعة مش مهم،
ومش لازم تعملي أزمه لو رفعناها.. اتعلمي تنزليها أما تكون مرفوعة
وبعدين إحنا مش بنعمل أزمة أما إنتي تنزليها ونضطر نرفعها!!