طبعا احنا شعب مبهر exactly.. يعني بم تفسر أو علل ؟؟؟ أن العيل من دول في الثانوية العامة يجيب مجموع 405 من 410.. المفروض اللي يجيب المجموع ده يروح على طوول يشتغل في ناسا مش عايزة كلام... بس احنا عندنا اللي بيجيب 405 من 410 أصلا مبيطلعش من الأوائل.. وأنا في ألمانيا القمح بعمل الدكتوراة اتعرفت على واحد من اللي هما بيحللوا دول اسمه جورج سانتيحا كان دايما يقول لي إن العلم اللي في الرأس أهم من العلم اللي في الكراس والطفل اللي بيقتصر تعليمه على المدرسة ما هو الا فردة جزمة قديمة متحركة.. هو انتحر في الآخر لأنه لقى إن الواحد عندنا ممكن يتعلم 16 سنة وياخد له اتنين دكتوراة و4 ماجستير ويطلع مايلاقيش شغل.. في الوقت أنه ممكن ياخد كورس 16 ساعة في قانون الجذب ويبقى مدرب تنمية بشرية وبيعمل فلوس ويدي محاضرات!