ذكريات نتيجة الثانوية.. أبويا عذبني زي الكفار

في سنة تالتة كنا في المصيف والعيال اتصلت تقولي النتيجة ظهرت مردتش اطلع من المياه عشان مجبهاش وأبويا فضل يجرجرنى زى ما كانوا بيجرجروا بلال ابن رباح في الصحراء...
روحنا السايبر عشان نجيبها لقيناه مليان ستات بتجيب النتيجة فالراجل قالي هاتها للستات دى بس ومشيهم وهاتها لنفسك بسرعة، وأبويا واقف جنبي بقي.. أول واحدة كانت نتيجتها ناقصة ييجى 30 درجة... التانية ييجى 50 درجة واتنين معاهم مواد فأبويا قلق وخرج بره أنا الصراحة كنت مسخسخ من الضحك وبعدين جبتها..
قلت لأبويا جايب 100.4 لقيته بصلي كده بقرف ومردش عليا وقام راكب العربية وماشي وأنا أجري وراه طول الطريق ولما روحت لقيته بيقولي أنت هتقول جبت كام يا ابن الكلب ولا " تهديد بالضرب".. فضلت أقنعه وطبعت له النتيجة عشان يصدق... وربنا ما هنسالك المرمطة والجري اللي جرتهولي يا حاج رجلي اتكسرت بعد النتيجة ب 5 أيام.