إزاي كمصري أصيل تحول رمضان لشهر نحنحة ؟!

ادخل الفيس بوك واكتب ما يلي:
- " صلاة التراويح " وخلي بالك صلاتك غير مقبولة من غير ما ترجع البيت وتكتبها !
- " مصطفى حسني " توم كروز الدعوة .
- صوري صورة الكنافة ونزليها واكتبي " رمضان كريم " على أساس إن رمضان بيبقى بخيل من غير الكنافة !
- صوّر الزينة في شارعكم أو عمارتكم ومتنساش تستخدم كلمات زي " بهجة، فرحة، طبطبة ربنا، انشراح، عبمعطي " .
- لو جالك فانوس كبونتة مرتبطة أو مخطوبة ( طبعا كمتجوزة محدش هيعبرك بحاجة ).... مستنيين نشوف ذوق خطيبك أو صاحبك في اختيار الفوانيس... اوعي ترحمينا من هذه اللحظة.
- لو مجالكيش فانوس اعملي البوز إياه .
- لو انتي في سنة أولى جواز متنسيش صورة الراجل ومراته وفانوسهم ومكتوب تحتها " أول رمضان مع جوزي " واعملي تاج ليه عشان عاوزين نقلب في بروفايله شوية ...