طب والثورة؟ ثورة إيه؟ ثورة مصر مالها الثورة؟ إيه موقفها؟ موقف مين؟ يابني الثورة آه... الثورة ثورة عظيمة ونجحت جدًّا نجحت فين؟ بص أصل أنتم مش فاهمين طب فهمني صلِّ على اللي هيشفع فيك وأنت لوحدك يوم الدين صلى الله عليه وسلم هيا تكلم ياد ما تصلي ما أنا صليت جايز برضه وأنا ما سمعتش إنت بطبعك ما بتسمعش بتقول حاجة؟ لا ولا حاجة قول ما تخافش يابني ارحمني كمل لكن ماتطولش هي الثورة دي قامت ليه؟ قامت ليه؟ قامت لجل الحق مايحكم آه مظبوط طب والحق ده يطلع إيه؟ يطلع إيه؟ يطلع طبعًا حكم الشرع يادي القرع طب والشرع ده تعريفه إيه؟ تعريفه إيه؟..إنت هتكفر؟ تعريفه شرع الله يا مغفل اللي الكفرة ليه رافضين؟ واحنا الكفرة؟ كفرتوني عشان أنا بسأل قبل أما أمضي تمام وأمين هي خلاص بقت أنتم واحنا؟ يادي الفتنة ويادي المحنة للدرجة دي بقينا شعبين؟ يابني ما هو إنت اللي مكفرني وقلت عليا سفيه ومغفل يا أخي حاشا الله أن أفعل طبعًا قصدي على الوحشين لأ ما أنا أصلي من الوحشين لا مش ممكن إنت كويس جواك بذرة تقوى هاملها وعقيدتك موجودة وباينة عايزك تعقل وتكملها أنا بتكلم في حاجات تانية فأنت ياريت ماتتوهنيش يا أخي دينك أبقى وأولى إنك تهتف إنه يعيش إنت لا قوة ليك ولا حول ماشي مغمي ورا الخفافيش عايز الكفر يعم الدولة وإنت مغيب ولا تدريش يعني خلاص الحق معاكم؟ خدتوا الدين لحسابكم مقاولة وأنا ماحلمش بغير العيش؟ بص أنا قربت أيأس منك لكن عاذرك إنت ضحية لكل الظلمة حسني مبارك شكل جهلك والإعلام بوظلك عقلك إنت بتسمع مين م العلما؟ علما في إيه؟ علما الأمة اللي بأيدهم كشف الغمة ونصر الدين على أي مؤامرة بيقودها أعداء الله وطبيعي تصدقهم هم وتسيب اللي بتمشي وراه اللي بياخدوا فلوس من بره لجل ما يكسروا شوكة الثورة ثورة إيه؟ ثورة مصر الغالية الحرة مصر الحرة؟ بعد ما قلت فلوس من بره وإنه مخطط تبقى مؤامرة جاي تقولي الثورة الحرة أنا مضطر أقولك حمرا.
