ابنة أحمد الدجوي تثير الجدل: "أبويا اتقتل ومش قادرة أتكلم"

أثارت نوال الدجوي، ابنة أحمد الدجوي، حالة من الجدل والتفاعل الواسع على مواقع التواصل الاجتماعي، بعد نشرها مقطع فيديو قصير عبر صفحتها الشخصية على موقع "فيسبوك"، أرفقته بتصريحات أثارت تساؤلات حول ملابسات وفاة والدها.
وكتبت نوال في المنشور: "إذا كنتم منتبهين، هتلاحظوا إني مش بتكلم عن اللي حصل. ليه بيسكتوني؟ ليه مش عايزين يسمعوا اللي عندي؟ أبويا اتقتل، ومش قادرة حتى أقول الحقيقة عن اللي حصل".
وأضافت: "ليه مش مسموحلي أوري العالم مين الشخص اللي أخدوه من عيلتي ومن الدنيا؟ همّا قتلوا مستقبله، وقتلوني معاه. قتلوا أملي، وأحلامي. وأكتر حاجة موجعاني إن أختي هتعيش حياتها من غير ما تعرف أبوها، من غير ما تعرف قد إيه كان حنون وكريم، وبيشتغل بكل طاقته".
نوال الدجوي: "كل اللي عمله كان عشانا... وقتلوه وقتلوني معاه"
وتايعت: "كل اللي بيعمله عشانا. أنا عارفة الحقيقة، وأنا عارفة كل اللي حصل. ما عدا حاجة واحدة: جريمة السُكات! ليه؟ ليه بتسكتوني؟ ليه بتعملوا كده؟ وليه في البدايات؟ ممكن تنسى، بس أنا عمري ما هنسي. كملوا تحاولوا تسكتوني".
بلاغ من شقيق أحمد الدجوي يكشف تفاصيل
تسلمت نيابة أسرة قصر النيل مستندات جديدة من عمرو الدجوي، تتعلق بآخر تطورات دعوى الحجر المقامة ضد الدكتورة نوال الدجوي من قِبل أحفادها الذكور، والتي قد تُغيّر مسار القضية، وفقًا لتصريحات قانونية أدلى بها محامي شقيق الراحل أحمد الدجوي.
وأوضحت المستندات أن المرحوم أحمد الدجوي كان قد تقدم ببلاغ إلى النائب العام، اتهم فيه حفيدات جدته، وبنات المرحومة منى الدجوي، بالاستيلاء على أموالها وعقاراتها، مستغلين تقدمها في السن.