دنيا سامي: مصطفى غريب بيقول عليا إني أوحش بنت شافها في حياته

ظهرت الفنانة الشابة دنيا سامي، في برنامج "صاحبة السعادة"، مع الإعلامية إسعاد يونس، حيث كشفت خلال الحلقة عن علاقة صداقة قوية وطريفة تربطها بالفنان مصطفى غريب.
وقالت دنيا سامي: "الوحيد اللي لحد النهاردة شايفني وحشة هو مصطفى غريب، بيقولي: أنتي أوحش بنت شوفتها في حياتي والله العظيم! أنا وهو أصحاب جدا، وهو متنمر، هو شايفني بنت وحشة أوي وأنا شايفة نفسي حلوة جدا"، واختتمت كلامها بضحكة ساخرة وبروح مرحة أسرت الجمهور.
دنيا سامي تدافع عن مصطفى غريب
علقت الفنانة دنيا سامي على تصريحاتها التي انتشرت خلال الساعات الماضية على مواقع التواصل الاجتماعي، بعد الهجوم على الفنان مصطفى غريب، حيث قالت عبر حسابها الرسمي بموقع "فيس بوك": "بالنسبة للبوستات المنتشرة اللي مشيرة حلقتي مع أستاذة إسعاد يونس اللي أنا بقول فيها أن مصطفى غريب بيتريق عليا وبيقول عليا وحشة وده طبعًا جاب لمصطفى الكلام والشتيمه..اولًا شكرًا على دفاعكوا عني بس انا اصلاً مش زعلانه من حاجة أانا ومصطفى صحاب ودفعة واحدة وإحنا الاتنين اتمرمطنا زى بعض أنا كنت بحكي ده بهزار لاني عارفة إني قمر".
وتابعت دنيا سامي: "مصطفى غريب ده اقرب واجدع واطيب بنى ادم في حياتي وحياة كل صحابه ولو قعدت اتكلم عليه من هنا ل 100 سنة مش هيكفي والله قد ايه هو ضهري في الحياة.. واللي أنا قولته في البرنامج على اللى مصطفى بيقوله عليا ده هزار بين أي صحاب في أي شله وأنا الحمدلله معنديش عقد ومش حتى عندى عقد ومش عارفة ومش عندى عقد هتظهر بعد كده".
وأضافت دنيا سامي: "هو بجد مفيش حاجة واصلاً لو كملتو باقي الحلقة مع أستاذ إسعاد هتعرفو اننا مسكناه تريقة وتقطيع اكتر من اللي هو بيهزر فيه معايا بكتير.. ولو سمحتو محدش في الدنيا يشتم مصطفى غريب غيري".