دنيا سامي: «كنت شايفة نفسي وحشة وأنا صغيرة.. ومصطفى غريب بيقولي ولسه لحد دلوقتي»

كشفت الفنانة دنيا سامي عن ذكريات طفولتها بشكل عفوي وكوميدي، خلال لقاءها في برنامج «صاحبة السعادة» مع الإعلامية إسعاد يونس.
وقالت دنيا سامي: «أنا أصلًا وأنا صغيرة كنت وحشة جدًا، بس لما كبرت حسيت إني بحلو»، وأضافت ضاحكة: «إحنا لما بنكبر بنبقى قمر».
إسعاد يونس شاركتها الذكريات، وقالت: «أنا كانت سهير البابلي بتقولي يا أم وش كله أسنان»، أما دنيا فسردت موقف طريف قائلة: «أختي شعرها ناعم وأنا شعري كان خشن وبُقي كبير، وكانت تقولي يا أم بُق كبير.. بس دلوقتي المميزات دي بقت موضة».
وفي مفاجأة مضحكة، قالت دنيا: «الوحيد اللي لحد النهارده شايفني وحشة هو مصطفى غريب، بيقولي: أنتي أوحش بنت شوفتها في حياتي والله العظيم!»، واختتمت كلامها بضحكة ساخرة وبروح مرحة أسرت الجمهور.