شاهد.. أحدث ظهور لشيرين عبد الوهاب في الساحل الشمالي

انتشرت عبر وسائل التواصل الاجتماعي صورا تجمع الفنانة شيرين عبد الوهاب بصديقاتها أثناء قضائهن العطلة الصيفية في الساحل الشمالي.
يأتي ذلك بعد التصريحات النارية لشيرين خلال مداخلة هاتفية مع الإعلامية لميس الحديدي ببرنامجها "كلمة أخيرة":" تعرّضت على يديه لجميع صنوف الأذى المادي والمعنوي، وكنت أحاول تجميل صورته لدى الجمهور فاضطررت لتكذيب أحاديثي السابقة".
وتابعت شيرين:" كنت عايشة مع زوج مبيشتغلش تقريبًا ومبيخرجش، كنت عايشة 24 ساعة في غرفة نومي، مبعملش حاجة، قاعدة وبس، أخطأت في حق نفسي، وعارفة، بس سعيت إن الست المشهورة تبقى إنسانة متجوزة وتحافظ على بيتها، كنت فاكرة كده، لكن ده مكانش بيت، دي كانت مصيدة فئران".
وأضافت عبد الوهاب:"تلقيت إخطارًا ب"سرقة سيارتي التي كتبتها باسم حسام حبيب" أثناء وجودي مع بناتي في الساحل الشمالي، وكتبت العربية باسمه كحركة أصول علشان لما لجنة مرور توقفه ويطلع الرخص ميبانش إنه ماشي بعربية مراته، وهو قال لي هعمل لك توكيل بالبيع علشان يضمن لي حقي، الواد الحقاني اللي مبيقبلش على نفسه حاجة، وفي الآخر طلع كلام في الهوا وتمثيل".
واستطردت شيرين:"كنت بصرف على أهله ببعت لهم شيك كل شهر علشان مامته وباباه وأخته يعرفوا يعيشوا، وشوفت خناقات كان فيها ضرب وسحل على الأرض وشتيمة مفيش إنسانة تقبلها على نفسها، ولما اتطلقت حاولنا نرجع تاني، وقلنا ندي فرصة تاني بشرط إننا نعيش في بيت تاني ونبعد بناتنا عن المشاكل ونشتغل، وكان البيت عندي كبير وهو كان بيتردد على البيت وكنت أؤهل بناتي إنه لسه في حياتنا، لحد ما الوعود اختفت من تاني والمشاكل وقلة الأدب رجعت من غير سبب".
وأردفت شيرين:"اتطلقت لما قصيت شعري طلاق بائن، ولما هديت حسيت إني مش قادرة أستغنى عنه وإني ممكن أديله فرصة تانية وأبعد عن الفجر في الخصومة، علاقة الزواج مقدسة جدا ولازم نحافظ عليها، وأنا كنت بحبه وفاكراه ابني مش جوزي بس".
واختتمت شيرين عبد الوهاب حديثها وقالت:"مين بيقول إني لسه بحبه حبته عقربة ينام فيها، أنا أحبه ده أنا في حياتي ما اتأذيت من إنسان كده، إنسان قلبه أسود".
من جانبه رد حسام على طليقته شيرين وقال في تصريحات تليفزيونية:"حاليا أنا بجهز كل شىء، وحفاظًا عليها وعلى سمعتها وعلى بيتها كنت ملتزم الصمت، لكن سأضطر للكلام طبعا،لأن الكلام أصبح مبالغا فيه، وأنا أتعرض لابتزاز بسبب جمهور ومحبي شيرين عبدالوهاب، وردي سيكون بالمستندات".
بينما تقدمت شيرين ببلاغ رسمي للنائب العام ضد حسام تتهمه بالنصب.