بالفيديو.. عبد الرحيم على يكشف اتصالات الشاطر مع التنظيم الدولى بأوروبا

كشف الكاتب الصحفي عبدالرحيم علي، رئيس تحرير موقع "البوابة نيوز"، مكالمة لخيرت الشاطر، نائب المرشد العام لجماعة الإخوان، مع شكيب مخلوف، أخطر إرهابي في التنظيم الدولي في العالم.
نص المكالمة:
الشاطر: السلام عليكم
شكيب: عليكم السلام ورحمة الله وبركاته
الشاطر: أنا صحيتك من النون ولا إيه؟
شكيب: لا لا صاحي.. عندي فقط شوية، صوتي تعبان
الشاطر: ألف سلامة الله يبارك فيك يا حبيبي الله يكرمك.. أنا بعتّ لحضرتك الاسمين الأساس في الموضوع الأخت مش جوزها
شكيب: أيوه.. اللي عرفته.. أيوه أيوه.. فاهم فاهم
الشاطر: هي نفسها تتحدث في كل موضوعاتنا بشكل جيد وعندها خبرة بالأوروبيين وكانت موجودة من أسبوع فقط في النرويج
شكيب: أيوه بالنسبة للموضوع ده.. الجماعة وكذا
الشاطر: لا.. لكل حاجة تتكلم فيها.. معندكش مشكلة فيها خالص بس هي أفضل يعني وأقوى لأنه تخصصها الدراسي
شكيب: جيد جيد حتى انا عايز أسأل لأن هي اللي معنية بالأمر
الشاطر: وهي وزوجها كانوا عايشين فترة في فرنسا
شكيب: أيوه جيد إن شاء الله
الشاطر: وهي أبوها مباشرة زميلي في المكتب هنا يعني
شكيب: أيوه جيد إن شاء الله.. قد يثيرون أسئلة وكذا.. حتى تعرف ترد عليها
الشاطر: لا لا هي مدربة.. مدربة تدريب جيد على هذا وترد على الأسئلة الخاصة بينا وكل المشاكل والمنزلقات الفكرية تعرف تتصرف معاها إن شاء الله
شكيب: جيد جيد الحمد لله.. وهي حتى امرأة أيضًا.. أحسن من رجل
الشاطر: أيوه ما أنا.. آه.. هي الحقيقة كانت قبل المعاد بتاعك بأسبوع كان جايلها دعوة من المعهد السويدي عندكم.. ولكن أنا قلتلها خللي الموضوع ده أهم
شكيب: أيوه لا جيد جيد
الشاطر: وهنشوف واحدة تانية للمعهد السويدي لأن المعهد السويدي كان عامل لقاء بس خاص بموضوع المرأة
شكيب: أيوه صحيح هما عنهم مهتمين بهذا الملف
الشاطر: أيوه أنا فهمت.. آه هنبعت حد تاني.. لموضوع المرأة ده إن شاء الله
شكيب إن شاء الله
الشاطر: ربنا يكرمك يا شكيب.. جزاك الله خيرًا يا أخي شكرًا شكرًا في رعاية الله مع السلامة.