بعد فتاة المعادي والمترو.. واقعة تحرش جديدة في "الميكروباص"

نشرت فتاة تدعى أسما إبراهيم، فيديو لتعرضها لواقعة تحرش جديدة تعرضت لها أثناء وجودها في سيارة أجرة "ميكروباص"، وذلك بعد ساعات قليلة من نشر فتاة أخرى لواقعة تحرش داخل مترو الأنفاق.
وكتبت الفتاة عبر صفحتها على موقع التواصل الاجتماعي فيس بوك: "راجعه من الكلية زي كل يوم ركبت سيرفيز ولبسي مش مُلفت ومغطيني الحمدلله، ركب جمبي واحد قد أبويا، ومش هقول عليه رجل؛ لأنه مثال للإنسان الوسخ من أول الطريق ألاقي حركات مش لطيفة خالص أقول مثلا غصب عنه ولا حاجة شغلت كاميرتي استنيت بس يكون معايا دليل اثبات علشان محدش يقولي بتتبلي عليه من الأشكال اللي زيه".
وتابعت: "بأكبر قوة فيا وزقيته لبرا وضربته وشتمته أني ألاقي رجل نطق كله بيتفرج مع العلم أن السيرفيز كان كله رجالة حرفيا محدش أتحرك من مكانة كان ممكن آخده وأعمل محضر تحرش أحبسه فيها بس فكرت مراته وعياله ذنبهم إيه المهم اني خدت حقي وشكرا للرجالة اللي معملتش أي حاجه انا ب 100 رجل منهم.. كان نفسي أصوره بس كان كل اللي يهمني إني آخد حقي ب إيدي".