هنا الزاهد عن أحمد فهمي: زوجي عفوي وبينسى أنه ممثل

قالت الفنانة هنا الزاهد إن زوجها الفنان أحمد فهمي، إنسان عفوي دائمًا يتصرف على طبيعته ويتعامل مع الجميع بكل ذوق.
ونشرت هنا الزاهد صورة ل"فهمي" عبر صفحتها بموقع التواصل الاجتماعي "فيس بوك"، وعلقت قائلة: "بعيدا إن شهادتي فيه مجروحة لأن الناس هتقول بقول الكلام ده عشان جوزها، أنا لا بفهم في الكورة ولا بتفرج عليها بس بشوف قد إيه الإنسان ده بيحب يكون عفوي وبينسى أنه ممثل وبيتعامل مع كل الناس بكل ذوق حتى في الشارع وفي التصوير وفي كل مكان والناس اللي عرفاه عرفين ده كويس، أنا عارفة أنه الناس بتفضل تقول لا ده ممثل مينفعش يقول رأيه".
وأضافت هنا قائلة: "بس للأسف الإنسان ده بينسى وبيخسر من كتر ما هو اللي في قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للاسف بتطلع أخبار بالكلام اللي بيقولوا عموما أنا عايزة اقولك انك قلبك طيب وعفوي بزيادة وبتقول اللي جواك من غير متحسبها عشان بتنسى أنك ممثل أصلًا بس الأيام دي مينفعش تبقى كده للاسف، واعمل اللي يريحك لأنك إنسان وإحنا كده كده بنحبك جدا".