هنا الزاهد تدافع عن أحمد فهمي بسبب شيكابالا: اعمل اللي يريحك بنحبك

ساندت الفنانة هنا الزاهد زوجها الفنان أحمد فهمي بعد الانتقادات القوية التي تعرض لها بعد تدوينة منسوبة له هاجم من خلالها لاعب نادي الزمالك محمود عبد الرازق شيكابالا، وذلك عبر حسابها الشخصي على موقع التواصل الاجتماعي فيس بوك.
وكتبت هنا الزاهد: " بعيدا أن شهادتي في مجروحة لان الناس هتقول بقول الكلام ده عشان جوزها، أنا لا بفهم في الكورة و لا بتفرج عليها بس بشوف قد ايه الانسان ده بيحب يكون عفوي و بينسى انه ممثل و بيتعامل مع كل الناس بكل زوق حتى في الشارع وفي التصوير وفي كل مكان.. والناس اللي عرفاه عرفين ده كويس، انا عارفة انو الناس بتفضل تقول لا ده ممثل مينفعش يقول رأيه".
وتابعت "هنا": "بس للاسف الانسان ده بينسى وبيخسر من كتر ما هو اللي ف قلبه على لسانه ومش بيحب ينافق و لا بيرضي حد عشان يكسب جمهور زي ما ناس كتير بتعمل كده.. لما بيكتب رأيه بيكتبوا على اكونت فيس بوك اللي في صحابه زيه زي اي حد اهلاوي بس للاسف بتطلع اخبار بالكلام اللي بيقولوا، عموماً انا عايزة اقولك انك قلبك طيب وعفوي بزيادة وبتقول اللي جواك من غير متحسبها عشان بتنسى انك ممثل اصلا بس الايام دي مينفعش تبقى كده للاسف.. واعمل اللي يريحك لانك انسان واحنا كده كده بنحبك جدا".
وانتشرت رسالة منسوبة لأحمد فهمي قال فيها: "أنا بسحب أي كلمة قلتها عنك فعلاً، الستوري بتاعته حالا حاجة تقرف، واللي عاجبه يشيلني من عنده، الأهلي وجمهوره أسيادك، وبعدين عيب تبقى ابن النادي الأهلي وماضي له قبل كده وتعمل كده.. فك كده ما تبقاش نفسيتك أفشة يا نباطشي".