بالفيديو.. عمرو أديب عن تسريب محمد علي: "الصفحة بتاعته كنز"

عرض الإعلامي عمرو أديب، تسريب نشره المقاول محمد على، يتضمن محادثة جديدة له مع الإخواني الهارب بتركيا هاني صبري، طلب فيه محمد على الحصول على مصدر تمويل، فرد "صبري": "طبعا مش عيب"، فيما علق أديب، قائلًا:"حلوة وعجباني دماغك يا هاني، هذا ليس انفرادا، أنا جبته من صفحة الفيس بتاعة محمد على اللي قال اخترقت".
وعلق "أديب" خلال تقديمه لبرنامجه "الحكاية" على فضائية "إم بي سي مصر" مساء الاثنين: "يظهر الإخوان اختاروا محمد على رئيسًا للحراك الثوري، وأتحدى حد يطلع يكذب الكلام في التسريب.. ده بالصوت".
وأضاف: "هما من جواهم بيحتقروا محمد على، بس بيتعاملوا باللي تغلب به العب بيه.. وفالأخر هيستخدموا محمد على زي ورق التواليت"، لافتا إلى أن محمد على نموذج للثوري "الأهبل"، وهاني صبري نموذج للثوري "الفاشل".
وتابع: "الصفحة دي كنز، وعليها درر، وعناصر الإخوان عايزين يروحوا للضابط اللي مسئول عنهم بدربهم تاني على كيفية قلب نظام الحكم"، موضحًا "ربنا رزق مصر بأغبى اتنين محمد على، وهاني صبري".
وأوضح:" محمد على خلال التسريب طلب من الإخواني هاني صبري أن يكون تواصلهما سريا، بينما أكد هاني صبري للهارب محمد على على وجود مساعدين لهم: "إحنا عندنا ناس متدربة على الشغل على الأرض، وأعمال الفوضى، ومحدش يقدر يقوم ثورة من غير مساعدة من دول وكيانات".