عم رسمي: "كل واحد لازم يتم رسالته في الحياة بضمير"

"مفيش أصعب من كلمة حضرتك تطلع من راجل عنده 70 سنة لعيل أد ابنه لمجرد إنه غلبان وعلى قد حاله".. هكذا وصف حسام عاطف فاروق، ألبوم صور "عم رسمي" التي التقطها له.
وقد سرد حسام قصته قائلًا: "عم رسمى.. راجل عنده 60 سنة، من سكان حى السيدة عائشة راجل غلبان جدًا وطيب جدًا جدا طلع على المعاش وعنده محل ورنيش ملكه، هو شغال الشغلانة دى مش عشان خاطر الفلوس هو بيقبض معاش والمعاش مش مخلى عياله محتاجين أي حاجة، لكن هو شغالها عشان شايف إنه بيكمل رسالة والده.. لأنه وارث المحل عنه وشايف إن الشغلانة دى مش عيب ولا حاجة لا بالعكس ده كمان بيفتخر بيها جدًا وبيقابل كل واحد داخل عليه بابتسامة جميلة ومش بيهتم خالص بالفلوس اللى بتدفعها الناس لأنه مش فارق معاه خالص وممكن لو حد مش معاه فكة يقوله مش مشكلة وقت تانى أو خلى خالص".
تابع حسام: "عم رسمي شايف إن كل واحد لازم يكون في حياته رسالة، ولازم يتمها بضمير".
أضاف: الراجل ده يا جماعة من أكتر الناس الطيبة والمحترمة اللى شوفتها في حياتى ولما حاولت أعرض عليه فلوس رفض جدًا وزعل جدًا من حاجة زى كده وقالى:
"يا ابنى أنا وافقت على كدة مخصوص لما قولتلى إن ده هيفيدك في شغلك، أما أنا فمش محتاج أي فلوس ولا محتاج حاجة منك أهم حاجة إنى أكون قدرت أفيدك في شغلك".