"جدو" يكشف تفاصيل جديدة عن فقدانه الذاكرة

روي محمد ناجي "جدو" مهاجم نادي المقاولون العرب، تفاصيل إصابته بفقدان مؤقت للذاكرة، بعد ارتطام كرة في رأسه سددها زميله اللاعب محمود فتح الله، خلال مران الفريق، "قائلا": "فاكر كل حاجة دلوقتي.. بس من أول ما كرة محمود فتح الله خبطتني لحد 48 ساعة فضلت مَش فاكر أي حاجة.. وكشفت لقيت عندي فقدان مؤقت للذاكرة وارتجاج في المخ".
وأضاف جدو، خلال لقائه في برنامج "معكم.. مني الشاذلي" المذاع عبر فضائية "سي بي سي" اليوم الخميس: "افتكرت محمود فتح الله بس نسيت جه النادي امتى.. ونسيت ماتش الرجاء اللي لعبناه قبلها بيوم، ونسيت إني كنت متخانق مع مراتي وماكناش بنتكلم وفضلت أقولها إنتي كويسة والولاد كويسين.. ونسيت كمان إني قدمت لبنتي في المدرسة".
وتابع: "من كتر ما كنت ناسي حاجات كتير خفت لا يكون كل اللي حصل مقلب وكل الناس بيمثلوا عليا".