يعملوها العيال.. ومصر كمان بتحبك يا "محمود"

أعزائى المشاهدين فى كل مكان، معانا النجم محمود حسن.
■ فى سنة كام يا محمود؟
- رايح ستة ابتدائى.
■ يعنى رايح فالسكة! قدامك قد إيه وتدخلها؟
- أسبوعين.
■ يعنى أنت خارج من خامسة بقالك قد إيه؟
- بقالى كتير.
■ بقالك كتير فالطريق! ياااه ستة ديه بعيدة أوى! وحالق الحلقة الجميلة ديه فين؟
- عند محل.
■ بتدفع كام للحلاق؟
- خمسه جنيه.
■ بحالهم ؟! إيه ده ! كل حاجة غليت، وأنت بتحلق ب5 جنيه علطول ولا أقل من كده؟
- لا علطول بخمسة.
■ طب والسنة اللى فاتت؟
- مش فاكر
■ يعنى الحلاق غلى ولا مغلاش؟
- مغلاش.
■ شاطر ولا مش شاطر فالمدرسة؟
- شاطر.
■ معندكش أى هواية. مبتقولش شعر، مبتغنيش؟
- بقول.
■ بتقول إيه، شعر؟ طب حتى مش حافظ نشيد من المدرسة؟
- لأ حافظ.
■ طب قول يلّا، بص للكاميرا وقول.
- هقول نشيد بلادى
مصر يا أم البلاد أنت غايتى والمراد
وعلى كل العباد كم لنيلك من أيادى
بلادى بلادى بلادى لك حبى وفؤادى
■ بتحب مصر؟
- آه
■ ليه ؟
- لأنها هى بلدى ووطنى اللى بعيش فيه
■ مصر حلوة يا محمود ؟
- آه.
■ حلوة ليه؟
- لأنها وطنى والمكان اللى اتولدت فيه.
هى مصر نفسها بيكو تتغير، فأنت لازم تاخد بالك من نفسك ومن المذاكرة، عشان إحنا عايزينك لبكره.
■ مش أنت بتحب مصر؟
- آه.
ومصر كمان بتحبك.