أحمد كشري بعد رباعية الأهلي: "للأسف معنديش لعيبة"

قال أحمد كشري، المدير الفني للنصر للتعدين: إنه يشكر لاعبيه على تحقيق نتائج كبيرة في الفترة الأخيرة وذلك عقب هزيمته أمام الأهلي بأربعة أهداف بدون رد.
وأضاف كشري: "للأسف أنا معنديش لاعيبة ولا عندي حد على الدكة أقدر استخدمه لكن إحنا بنلاعب الأهلي والأهلي فريق كبير ولسه خبراته".
وتابع: "حتى الدقيقه 32 النتيجة كانت سلبية وكنت محتاج أهاجم بتوازن مع قفل خطوطنا حتى هدف عبدالله السعيد الأول وخبرة لاعبي النادي الأهلي هي اللي حسمت المباراة".
وأردف: "اللعيبة مرهقة جدًا إحنا بنلعب في إدفو وبنسافر سواء في ملعبي أو ملعب الفريق الآخر وفي فترة القيد للأسف ماجيبناش أي لعيبه جابوا 3 لعيبة تحت السن وده أثر على الفريق وأنا ريحت أحمد بيومي إنهارده ولعبيه تانيه مش عايز أخسرها عندها إنذارين وعندي مباريات مهمة الفترة الجاية".
واختتم: "فرصتنا ما زالت قائمة داخل الدوري الممتاز ولكننا أقل فريق في هذه الفرق".