إعادة دي ولاّ ولادة.. رُش يا بني ميه

رُش يا بني ميه، يا حنّان ابعد النحس عن اللجان، ده حظ إيه ده!، إعادة دي ولاّ ولادة؟، استر، ولادة التصويت في جولة الإعادة متعثرة، مفيش غير الدكتور بوشي خبير تسليك البلاعات في عيادة الحي، الحقنا يا بوشي، لا لا لا، الوضع التصويتي صعب يا جماعة، الصناديق نازلة صريخ وصويت على وأوأة ونص تشكو الوجع والهجر في وضع طلّقي تعثري، يا مناديب جَهزّوا عنبر التسليك، افتحوا زراير القمصان، قطّعوا الهدوم والجلاليب، سَقفة للنبي ى ى ى، يا قوى.. بس، جَبَرت، سلكان في منسوب التصويت بالصناديق.. انزل يا بن "التيت"؟ مين ده؟ ده صوت انتخابي متعثر.