كيف تتعلم الإنجليزية في 6 خطوات

لو حابب تتعلم أي لغة فالنصايح دي هتفيدك:
1- أول حاجة اعرف الأبجدية وشوية كلمات بسيطة وركز كويس جدا على النطق الصح وخد وقتك.
2- تاني حاجة تركز عليها هي القواعد البسيطة عشان تعرف تكون جمل.
3- احفظ كلمات كتير.
4- حط اللغة كنشاط يومي في حياتك.. اتفرج علي أفلام باللغة دي مع الترجمة بنفس اللغة.. أغاني بالكلمات بتاعتها.. مقالات .. أو تابع جروبات علي فيسبوك وكلم ناس بتتكلم باللغة دي ومتتكسفش إنك تغلط.. إغلط واتعلم دا شيء طبيعي.
5- اعرف شوية عن تاريخ الدول اللي بتتكلم اللغة دي وعن اللغة نفسها وأصولها.
6- لو ناوي تركز علي اللهجة حاول تشوف لو فيه قواعد معينة ممكن تتبعها وتمارسها بجانب إنك تتفرج علي الأفلام الخاصة باللغة دي وتحاول تقلدها ومع التكرار الدنيا هتبقى أفضل.
نصيحة: لما تتعلم إنجليزي كويس هيبقى سهل عليك تتعلم لغات تانية أسرع وهتلاقي مصادر كتير تتعلم منها.
استخدم خاصية البحث في Youtube اللي بتخلي النتايج تظهرك playlist هتلاقي قنوات كتير تساعدك.. وموقع Duolingo مفيد جدا وممكن تنزل الابلكيشن بتاعه علي موبايلك تستخدمه وانت في الطريق لشغلك او وقتك الفاضي.. ده لينك الموقع http://goo.gl/Wvn6Xu
الموضوع مش معقد ولا مستحيل.. كل اللي انت محتاجه وقت ومجهود.
أما لو حابب تبدأ إنجليزي ومش عارف تبدأ منين فده هيفيدك: https://goo.gl/hBfTbv
وده اكثر تركيزا:
https://goo.gl/CKcXUU