عبسلام مكشة في حديث ع الناصية

مين اللي هناك دي.. ؟ دي الست آمال فهمي مذيعة ع الناصية ، صباح الخير على أحلى شعب في الدنيا ، صباح الفل على الناس الواعية الصاحية الفاهمة ، صباح الياسمين ع الورد اللي فتّح في جناين مصر ، ضيقي النهاردة عبسلام مكشة رئيس رابطة الكناسين بكوكب "المهاريش" أهلا يا عبسلام .. حالك ، أخبارك ، جواباتك ماشية ولاّ واقفة الدنيا معاك ، قولي عبسلام من غير كسوف لو واقفه اطلبلك الحي يبعتلي لودر يزق هالك ؟ شكلك مكسوف يا عبسلام ، ده أنا آمال بتاعة الأمل ، أطلب يا قلبي ، شوبيك لبيك آمال قدّام عينيك ، انطق يا عبسلام ، انت فاطر إيه النهاردة ؟؟ ضارب اسم الله على مقامك طبق فول وعامل دماغ بصل ومحلي بكوباية شاي وعلشان مصر هكلم وهصرخ وهقول : أنا مبسوووووووط ..أنا فُلة ، ولا ينقصني سوى كنس زبالة الفضائيات مصدر العكننة والنتش والهرش والفوضى اليومي ، .. وتحب تسمع إيه يا عبسلام ؟ .. اسمع أغنية الجزمجية اشتكوا .. وأهديها لتامر مرارة .