أنا في اللابوريااا

دماغ سوسو لسع، مالك يا سوسو؟، وسوسو النوسو ولا هنا، لابس الكاجوال ومتقمص شخصية مستر كاراتيه ونازل رقص وغُنا: "أنا في اللابوريااا.. لاها أها إيه.. في إيه هنبكي عليه".. ويا لطيف من الخفيف، زعيم زيرو اتناشر فتح عالرابع الخفيف، استر، نجيب النجيب من تصريحات ضلمة وخبط في حيطان النظام والحكومة، إلى تكشير وش، ولوي بوز، ودلدلة لسان!.. وجرى إيه يا بن عم أنسي؟، فلتان العيار يودي المورستان يا جوجو؟، امسك لسانك يا مضروب، كتاب الحكم لابن المرعوش بيقول: "الأدب فضلوه على الدولارات واليورهات"، ولحد كده كفاية غلط يا بتاع، الجاية بقفا.. انصرف، رصيدكم نفذ.