نجيب ضارب بوز

نية الأخ سوسو زعيم زيرو اتناشر دايمًا رمادي، غاوي شخبطة بصوابع الفحم على سبورة الوطن، ليه يا نجيب؟ ونجيب مكشر على الدوام، ضارب بوز، شايل طاجن سيتو أم جرجس على نفوخه، كشكشها يا نجيب، ونجيب ولا هنا، نازل تعريض وتوسيع في دايرة الخلاف مع البلد والنظام، طب عاوز إيه يا سوسو!، ومفيش لا رد ولا جواب مع استمرار حالة البوز والشخبطة بصوابع الفحم ضد العباد والبلاد، أحدث تحركاته، شخابيط مع المتاعيس "الزوربا ورشيد ونظيف"، ورسم مخططات ومؤامرات لضرب اقتصاد البلاد بالتنسيق مع دواير أمريكية، نجيب سارقاه السكينة يا بشر، مسحور من جماعات الشرك والضلال المرحلي، راسه وألف سيف ليخش براس جنابه ف أتخن حيطة فيكي يا مصر، وما حدش يمنعه، خش يا حبيبي بس بجامد، انت واد جدع، أكيد أكيد راسك الناشفة هتعور الحيطة وطريقك صحراوي يا ابن عم أنسي.. وختامًا: "سلام وتحية ع الراس الناشفة الغبية".