أسامة كمال للمسئولين: "لو مش قد شرف المنصب اعتزلوا"

قال الإعلامي أسامة كمال إن المسئولية الرسمية تشريف بجانب كونها تكليفا، مطالبا المسئولين باعتزال العمل العام إذا لم يحافظوا على "شرف المنصب".
وأضاف كمال، مساء أمس السبت، خلال برنامجه "القاهرة 360"، على شاشة قناة "القاهرة والناس" الفضائية: ""هناك كلمة بنسمعها كتير من المسؤولين بتقول المنصب تكليف مش تشريف، وكأن المناصب معمولة للناس عشان تتكلف بمهمة تنفذها مش عشان صاحبها يتشرف بيها".
وتابع: "حتى كلمة مسئول أوقات كتير مابفهمش معناها لأن عكسها مش مسئول، ومتهيألي مافيش حد مش مسئول، كلنا مسؤولين".
وخاطب كمال المسئولين قائلا: "حضرتك لو وزير ومش قادر تظبط أداء وزارتك، اتفضل استريح في بيتك أو شغلك التاني اللي ضحيت بيه عشانا".