سؤال برنامج اكسب دهب دهب مع الأستاذ طارق طوارئ

، والضيف موظف عدمان ع الدرجة الخامسة ونازل ع الستة .. والسؤال بيقول: حيلتك إيه يا كحيان ؟ .. محلتيش غيره ، .. اللي هو ؟ .. الستر ،.. ومبروك كسبت معانا ربع جنيه دهب على صراحتك وبجاحتك .
وكانت بورصة أسعار الخضار قد سجلت اليوم ، ارتفاعات مجنونة و مخيفة في أسعار البامية والطماطم والكوسة ، حيث قفز كيلو الكوسه إلى اتناشر جنيه، واستقرت البامية عند خمستاشر بمعدل جنيه للجرام ، مقابل عشر جنيهات للطماطم ، وزيهم للكرنبة المتوسطة .. والعوض عالله فيك يا مصري ، بومب الإخوان في قفاك و الأسعار من قدامك قرفاك ، متعوس جنابه ومنحوس وكل العبر اللي ف الدنيا فيه ، قدره ده ، حظك كده يكون ، فار تجارب حي لحكومة المرحلة والسابقة والسابقة والقادمة ، وإنا لله وإنا اليه راجعون، توفى المصري الغلبان صباح اليوم، تأثرا بزلزال أسعار عالٍ ضرب سوق الخضار، والخارجة من سوق العبور ، والدفنة ف مقابر الجعانين ، ولا أركم الله مكروها في تعيس لديكم ، ووحدوووووووووووووووه .