بالفيديو.. عبدالرحيم علي يذيع مكالمة السيد البدوي للسيطرة على الإعلام

عرض الإعلامي عبدالرحيم علي، رئيس تحرير "البوابة نيوز"، مكالمة الإعلامي محمد عبدالمتعال والسيد البدوي رئيس حزب الوفد ترصد اتفاقهما على محاولة السيطرة على سوق الإعلانات في مصر.
وجاء نص المكاملة كالآتي:
عبدالمتعال: مساء الخير يا فندم
البدوي: اه يا أستاذ محمد.. أنا بفكر عايز أطلع النهارده أطلع فين ولا أعمل إيه قولي
عبدالمتعال: أنا كنت هكلم حضرتك في حاجتين.. ما تكلم نجيب ساويرس وتعملوا مبادرة معاه يعني حضرتك وهو
البدوي: طب نعملها فين
عبدالمتعال: في "الحياة" في "أون تي في" حضرتك كلمه وقوله أي حاجة
البدوي: أنا مبحبش أطلع في الحياة
عبدالمتعال: خليها في أون وإحنا ناخدها من أون يعني حضرتك لو عملتها في أون إحنا ممكن نذيعها.. أنا ليه بقول نجيب ساويرس.. عايز أضرب عصفورين بحجر.. عايز ألم نجيب ساويرس فأنت بتكبره من غير ما نقوله
السيد البدوي: طيب ما نرتبها مع خيري رمضان أنا ونجيب ساويرس أو تامر أمين هوه كويس معايا خاص
محمد عبدالمتعال: أنا رأيي إنك لازم ترفع سماعة التليفون على نجيب وحاجة تانية أن حضرتك برضه تكلم بهجت تقوله إن الحياة بتاعتك ولو عايز تشوف وجهة نظرك
السيد البدوي: حاضر هكلمه حالا.. هكلم أحمد بهجت الأول وبعدين نجيب ساويرس
محمد عبدالمتعال: والنبي نجيب ساويرس عايز ألمه وبعدين ليه موقف كويس الراجل وقف معايا في الانتخابات.. يكون مأموص من الوفد واللي حصل فيه.. وبعدين الناس ما بتفرقش بين الوفد وحضرتك.