بالفيديو.. "البدوي": "عايزين ناكل سوق الإعلانات من التليفزيون المصري"

أذاع الإعلامي عبدالرحيم علي، رئيس تحرير "البوابة نيوز"، مكالمة تكشف تآمر السيد البدوي رئيس حزب الوفد والإعلامي محمد عبدالمتعال لإسقاط التليفزيون المصري.
وجاء نص المكالمة كالآتي:
محمد عبد المتعال: أوامرك يا فندم
السيد البدوي: باقولك يا أستاذ محمد، كلمت محمد كامل بتاع "بير شويري"؟
عبدالمتعال: كلمته يا فندم ما ردش عليا.. بس سألت المساعد بتاعه شكله في لبنان.
البدوي: آه آها آه الحقيقة قلقان لأن علاء هيتعكبل جامد جامد جامد لأنه فتح جامد برضه ومافيش قدامنا في ظل الظروف الراهنة دي إلا إن تجيلنا إيرادات من خارج مصر ووكيل إعلاني قوي يجبلنا من برة مصر، ويقدر ياكل السوق من التليفزيون المصري.. علاء مش هيقدر
عبد المتعال: مظبوط يا افندم
البدوي: ونشوف علاء هنقف جنبه جدا جدا طبعا مش هنسيبه يقع، طبعا، بس دلوقتي علاء ياعيني متلخبط.. يعني الفجر عادل حمودة عارف بيقولوا عادل حمودة شيكاته بترجع كلها وده كلام فارغ يعني.
عبدالمتعال: والله هو عنده الفجر.
البدوي: آه مضى للفجر وشيكاته بتقع وبتاع، وبعدين بيسألني بيقول الشاذلي إن دلوقتي مش واثق فيه عايز أغيره ففتوح بيكلمني قلت له علاء ده من أشرف الإعلاميين في مصر.. كلمت أحمد بهجت شكرني جدا طبعا وياريت إنت كمان تكلم أسامة عز الدين تقوله الدكتور سيد كلمني.
عبد المتعال: عايز أقول لحضرتك افتح على إبراهيم عيسى.
البدوي: أنا موافق بس افتح عليه ازاي؟
عبدالمتعال: خلي أحمد عصام فهمي يفتح عليه.. خلاص يا فندم والنبي كلم دلوقت ساويرس وحتى لو قال ندخل البرادعي ندخل البرادعي.
السيد البدوي: خلاص ماشي برافو عليك برافو عليك.