خيبتنا ف نُخبتنا

سلملي ع النخبة، هكذا سخر مسلكاتي الصرف الصحي متولي أبو هلال، الشهير بمتولي مجاري، حينما سألناه عن رأيه في مجموعات النخبة في البلد، ورد: كل نخبة وأنت منخوب.. وقال كمان: أنا طبعا من النخبة إياها "ثم ضحك وأضاف: "بس النخبة اللي بتنزل تحت ببراشوت في البلاعات وهي وحظها يتطلع تاني فوق يا يتودع حياتها برخيص وتموت خنقا من عطر الريحة".. واستمر ف الكلام: "نصيبنا كده يا أستاذ.. مسلكاتية.. بنجيب م الآخر، ينسلك البلاعات ينطربقها برحتها.. ملناش غيره وينظر الي فوق "ويشاور للسما".. ومالناش غير وش واحد.. لوع لأ يا محترم.. إحنا بتوع الدغوري.. هُما بأه حاجة تانية خالص، وشين وتلاته وأربعة وخمسة والآخر الواحد منهم يطلع يتمطع في الجرايد أو ع الشاشة ويقولك أنا بلا فخر "نخباوي ابن نخباوي"، السياسة لعبتي، الكلام حارتي وملعبي، فتاوي الصح والغلط والبلد تمشي إزاي تخصصي.. تعرف يا أستاذ؟؟.. إيه ؟؟.. العينة دي، ودي بالذات اللي ضيعت البلد ولسه شغالة في عداد ضياعها".. أسألك سؤال.. قول.. ؟.. تعرف مين سبب وقف الحال مثلا مثلا لانتخابات النواب ؟؟، ويرد: هٌما ولاد النخباوية.. قولتلي إزاي، أقولك: تطبيلهم المستمر ع الفاضي ع الساحة للفايدة والمعدومة ونصحى الصبح علي كارثة عويصة، ويشتد غيظا وينفعل: لو بأيدي.. هتعمل إيه.. ؟؟.. هحكم عليه بالإعدام رميا ف بلاعة مجاري..