"البدوي" فايبريشن

حُط كلمة مهزوز على كلمة محتار وسريعا سريعا اضرب الاتنين ف الخلاط هيطلعك كوكتيل "بدوي ي ي ي ي" .. الله يكون في عون حزب الوفد "حيطان وأعضاء" ، اشتكوا مرارة الشكوى من زعيمهم كبير المقام الدكتور سيد "البدوي" سابقا .. و"الانسحابي" حاليا .. قراراته دايما ضاربها "الفايبريشن" بترقص علي واحد ونص .. ليست على أرض ثابته .. رعاياها ف الحزب حطوا صوابعهم العشرة في الشق من مواقفه المتغيرة والمتحيرة والمضروبة والملسوعة .. مفيش جلسة أو قاعدة إلا وفيها ترحمات على الزعيم الكبير سراج باشا .. الفرق بين الاتنين .. زي الفرق بين السيسي ومرسي ، الأول ، ساخن يجيد صناعة وطبخ واصدار القرار ، والتاني يغرق في شبر ميه ، علي طول الخط بردان سقعان مرتعش ، تايه يا ولداه يبحث عن صديق يستعين به لنجدته .. أخر حيرة "البدوي" تفكيره في الانسحاب والطفشان من معركة البرلمان .. بيان للحزب طازة كشف الورطة الجديدة للوفد وفضح حالة التردي التي تضرب ساحة الزعيم والرعايا .. ف المقابل هنااااااك .. بعيييييد .. تقف جبهة في مدخل الحزب بالمهندسين وبالتحديد تحت يافطة الحزب وبالتحديد بالتحديد أوي أوي ، تحت شعر الهلال والصليب ، تهتف .. يا سراج اصحى وقوم .. البدوي مالها نوم .