ماسكات بالنخاع لإطالة الشعر.. وكوكتيل طبيعي للتخسيس

[جمالك من الطبيعة مع رانيا]
جمالك من الطبيعة مع رانيا
أهلا بكل بنات "قمر 14" في حلقة جديدة من "جمالك من الطبيعة مع رانيا".. والنهارده هنقدّم لكم ماسكات للشعر بالنخاع لإطالة ولمعان الشعر، وكمان هنعمل كوكتيل للتخسيس وتقليل الشهية..

حمام كريم النخاع للشعر
المقادير:
* قطعة نخاع طازة
* ملعقة متوسطة زيت لوز
* ملعقة متوسطة زيت حبة البركة
* ملعقة متوسطة زيت سمسم
* ملعقة متوسطة زيت خروع
* ملعقة متوسطة زيت زيتون
الطريقة:
اقسمي قطعة النخاع لنصفين، وشيلي قطعة منهم على جنب، وخدي التانية واهرسيها كويس أوي، وبعد كده ضيفي باقي كمية الزيوت عليه، وأهمهم طبعا زيت الخروع، واخلطيهم كويس أوي لحد ما يبقى الخليط مرن، وممكن تستخدمي الخليط زي ما هو، أو تسيّحيه على النار لحد ما يبقى سائل جدا، وبعد كده استخدميه على شعرك.

إضغط لمشاهدة الفيديو:
[See video]
ممكن نعمل بالنخاع ماسك تاني.. عبارة عن:
* النصف الباقي من قطعة النخاع
* 3 فصوص ثوم مفرومين
* 2 ملعقة زبادي
الطريقة:
ضيفي على قطعة النخاع ملعقة زبادي وعليهم الثوم وقلّبيهم كويس أوي.
ماسكات النخاع بنستخدمها مرتين أسبوعيا، ومدّة الحمام على الشعر من ساعة ونصف إلى ساعتين، وبنوزّعه على فروة رأس نظيفة.

إضغط لمشاهدة الفيديو:
[See video]
كوكتيل للتخسيس وقفل الشهية
المقادير:
* 2 باكت شاي أخضر منقوعين في كوب ميه سخنة
* 2 ثمرة كيوي
الطريقة:
اضربي الكيوي مع الشاي الأخضر في الخلاط كويس، واشربيه من غير إضافات، وممكن تضيفي عليه سكر بني أو عسل نحل.

إضغط لمشاهدة الفيديو:
[See video]
ماسك الخيار للهالات السوداء
المقادير:
* 1⁄2 ملعقة نشا
* عصير ليمونة
الطريقة:
دوّبي النشا مع الليمون، واستخدمي الخليط ده مرتين يوميا، وممكن تحطّيه فوق وتحت العين، وتسيبيه لمدة 10 دقايق.

إضغط لمشاهدة الفيديو:
[See video]
ولغاية هنا تكون خلصت حلقتنا النهارده..
يا ريت تجرّبوا الوصفات اللي عملناها النهارده..
وتبعتوا تقولوا لنا آرائكم واقتراحاتكم..
واستنونا الحلقة الجاية مع وصفات تانية كتير..
سلااااام،،،