بالفيديو.. أسفلت: "قد الحياة" هتبقى بقوة "أنا سطرين"

"انا سطرين بتقراهم كده على الصبح".. هذه الأغنية التي عشقها رواد وسط الأندرجراوند والفن البديل، وتخطت حاجز المليون مشاهدة على اليوتيوب، وجمعت فريق أسفلت مع الفنان أمير يوسف، وزادت الاشتياق الجماهيري لدى "فانز" الإثنين لأقرب تعاون غنائي يجمع ما بينهما.
وأخيرًا، وبعد غياب طويل، تحققت أمنية الكثيرين بإطلاق أغنية "قد الحياة"، والتي أعادت الدويتو الاستثنائي لأغنية "أنا سطرين" بشكل مختلف، وأكثر حماسية واختلافًا في التقديم والمزيكا، ومحتوى الكلمات، ليقدم أسفلت وجبة دسمة من الأمل في المستقبل والإيمان بالأحلام للقاعدة العريضة من الجمهور.
ومن جانبه أكد الباند، على لسان نور الدين على، مديره، أن الأغنية ستحقق بالتأكيد نفس النجاح الكبير الذي حققه التعاون السابق بين الباند وأمير، قائلًا في تصريح خاص ل" بوابة الأندرجرواند": "احنا مجهزين الأغنية من فترة كبيرة، وواثقين إنها هتعجب الجمهور زي ما عجبتهم أغنية أنا سطرين، مع اختلاف الموضوع والمحتوى".
"قد الحياة"، من كلمات محمد جاد، ومحمد عطية، في جزئية الراب، ومن كلمات الشاعر محمد إبراهيم في جزء أمير يوسف، ومن ألحان أحمد حبيب.
من كلمات الأغنية:
أنا الواقع أنا الدافع، وانا إللي أملك قرار ذاتي.
شبح السكوت وقته انتهي، وأنا الحاضر أنا الأتي.
و المستحيل كلمة، ممنوع تشوف ارضي.
حتى في أسوأ حال، ملهاش مكان عندي.
عزيمتى واخدة حبوب شجاعة
حاولت كتير ف زودتلى المناعة.
ما أنا زي زيك مخلوق من طين.
ساعات بتميل, لكن، ما بعيش حزين
رافض أشوف يأسي ف يوم بيهزمني
مهما أخد مني، حلمي بيكملني
ارسم بإيدك فكرتك, غير لون يومك البهتان
لو سبت مرة بصمتك، هاتعرف يعني ايه انسان
الامل لو يوم هايلمس حلمك الميت يعيش
واللى وصلوا قبل منك بدؤا أصلا من مفيش
واللى نفسك فيه هيحصل بس حاول تعمله
شوف طريقك فين و روحه، مهما طوًل كمله