6 ابريل تدشن حملة " هتقطعوا الكهرباء مش هندفع الفواتير"

دشنت حركة شباب 6 أبريل بالأقصر حملة أطلقت عليها " هتقطعوا الكهرباء مش هندفع الفواتير"، تطالب فيه المواطنين بعدم دفع فواتير الكهرباء، بسبب الانقطاع المستمر للتيار الكهربائى.
وأعلنت الحركة من خلال صفختها الرسمية على موقع التواصل الاجتماعى "فيس بوك" : بص يا أستاذ بصي يا هانم إحنا بنتكلم في قطع الكهرباء هنا ع الفيس وإحنا منورين بكشاف وبنستخدم فلاشة واللاب او من الموبايل وغالبًا حضراتكم إما حران او متضايق او مخنوق من الضلمة.. خد بالك ان في ناس تجارتها بتخسر وبضاعتهم بتبوظ بسبب قطع الكهرباء أكتر من ساعة في اليوم، خد بالك ان في طلبة كليات وراهم مذاكرة وامتحانات، خد بالك ان امتحانات الثانوية العامة قربت.
لازم يبقي في وقفة للموضوع ده.. لازم نفعل تاني حملة هتقطعوا الكهرباء مش هندفع الفواتير.. وبص الناس هتتفاعل معاك بالظبط زي تمرد.. ما هو أصلا هما مش لاقيين ياكلوا والفواتير بقت تعدي ال100 جنيه دلوقتي.. يعني الحملة باذن الله تنجح ونحاول نعمل وقفات أمام وزارة الكهرباء.. إن سكتنا هيعيشونا في ضلمة لجل أهلهم وعشيرتهم في غزة وأهي إسرائيل توفر.