مواطنون يوزعون الشربات والمياه الغازية احتفالا بفوز مرسي

بعد إعلان الدكتور محمد مرسي رئيساً للجمهورية، احتفل بعض المواطنين بالنتيجة بتوزيع الشربات والمياه الغازية في الشوارع.
محمد محمود صاحب فرن عيس، قال: أنا فرحان بفوز محمد مرسي ووزعت حاجة ساقعة علي الناس، وأتمني أن يمشي وسط الناس من غير حراسة، وحقوقنا لازم ترجع.
وأضاف علي جعفر 52 سنة "صاحب محل فاكهة" إنه فرحان وشرب حاجة ساقعة حلاوة نجاح رئيسنا، أنا انتخبته مرتين وحاسس إن فيه عدالة دلوقتي ودي بداية ثورة، إنما الأول كانوا عصابة وعايشين علي مص دمنا.
بينما قال محمد سعيد "مدرس رياضيات": ده الحق.. إحنا عايزين عهد جديد، لو شفيق نجح مكنش فيه حاجة هتتغير، ده كل اللي واقفين وراه من الحزب الوطني.
وقال عادل وهبة: أنا حسيت بعد إعلان النتيجة أنه في عدالة وشغل من القضاء وقضائنا حلو وفرحان أن أي حد يجي عشان البلد تستقر.
علياء فهمي "طالبة جامعية" قالت: البلد بلدنا كلنا مش محمد مرسي بس أنا فرحان إن مرسي فاز ومشروع النهضة جميل ولازم كلنا ننهض بالبلد.
قال كريم فؤاد "40 سنة": أنا منتخبتش حد بس مبسوط مرسي فاز لأني شوفت ناس بتقول انتخبت شفيق عشان خايفين من الإسلام، والإسلام مش هيدبح الناس زي ما هما فاهمين غلط.