رئيس من غير حراسة!

بعد إعلان الدكتور محمد مرسي رئيسا للجمهورية ، احتفل المواطنون في الدقهلية بالنتيجة بتوزيع المياه الغازية في الشوارع .
محمد محمود صاحب فرن عيش ، يقول: أنا فرحان بفوز محمد مرسي وبوزع حاجة ساقعة ع الناس، وبتمنى انه يمشي وسط الناس من غير حراسة ، وحقوقنا ترجع.
ويضيف علي جعفر ، 52 سنة ، صاحب محل فاكهة ، : انتخبت مرسي مرتين، دلوقت بس شعرت ان فيه عدالة ، إنما الأول كانوا عصابة وعايشين على مص دمنا.
بينما يقول محمد سعيد ،مدرس رياضيات ، هو ده الحق احنا عايزين عهد جديد ، لو شفيق نجح مكنش حاجة هتتغير لأن كل اللي واقفين وراه الحزب الوطني .
أما علياء فهمي ،طالبة جامعية، فتؤكد أن البلد بلدنا كلنا مش بلد محمد مرسي بس، وتوضح أن مشروع النهضة هو سبب فرحتها بفوزه "ولازم كلنا ننهض بالبلد".
وفي نفس السياق يوضح كريم فؤاد ،40سنة ،: أنا منتخبتش حد بس مبسوط ان مرسي فاز لأني سمعت ناس بتقولة انهم انتخبوا شفيق عشان خايفين من الإسلام ، والإسلام مش هيدبح الناس زي ما هما فاهمين غلط .