علقت الناشطة السياسية والمدونة، نوارة نجم، صباح الأحد، على النتائج غير الرسمية للانتخابات الرئاسية، التي تشير إلى تنافس كل من الدكتور محمد مرسي، مرشح حزب الحرية والعدالة، والمرشح المستقل الفريق أحمد شفيق في جولة الإعادة، بقولها: «ما تسألونيش إيه الحل، كل واحد عقله في رأسه يعرف خلاصه، أنا ما بعرفش أقول لحد يعمل إيه، أعرف أقوله ما يعملش إيه.. ما ينتخبش شفيق».وقالت نوارة في تدوينات قصيرة على موقع «تويتر»، «إلهي وأنت جاهي، قادر يا كريم كل اللي ينتخب شفيق، يشوف اللي شفيق عمله في ولاد الناس على نفسه، وعلى أي عزيز له، بحق ساعة الصباح ودم الشهداء».وأعلنت نوارة نجم أنها ستقاطع الانتخابات الرئاسية خلال جولة الإعادة، إلا أنها أشارت في الوقت ذاته إلى أنها في الأصل لن تنتخب أي مرشح لجماعة الإخوان المسلمين، موضحة بقولها: « انا أصلا مش حانتخب الإخوان، أنا مقاطعة، لكن لحد دلوقت الإخوان ما قتلوش حد، هم سابونا نتقتل لكن ما قتلوش حد».وتابعت: «بس كده، عايز تقاطع، أنا مقاطعة، عايز تنتخب مرسي، أنا ممكن أواسيك، عايز تنتخب شفيق إلهي تولع أنت وأهلك كلهم، ويا سيدي أنتم أحرار أنا قلت لكم حاجة؟ انا بقولكم كرامتي ما تسمحليش أعلم على واحد كنت مسمياه استبن».
