رحل نور.. وتبقي الكلمات

ففز بعلم ولا تطلب به بدلا..
فالناس موتي وأهل العلم أحياء..
علي باب مكتبه بشقته سطرت هذه الكلمات.. لتؤكد مسار فكره من بداياته وعبر أعماله وقد حرص في كل منها أن يسجل كثيرا من قناعاته ورؤيته العميقة.. رحل نور الشريف ولم ترحل أعماله.. رحل قاموس السينما المصرية وبقيت أعماله التي تحمل الكثير من الرسائل الهامة للأجيال القادمة.. رحل نور الفن.. ولم ينطفئ نور أعماله التي كانت سهما نافذا في صدر الجهل وسهاما عابرة للعالم العربي.. رحل نور وتظل أعماله تحارب الجهل.. والفقر والتخلف والكره.. رحل نور ولكن تظل كل معاني الحب والرومانسية.
رحل.. لكن تظل كلماته بأحرف من نور..
نهار خارجي علي شاطئ البحر
يسرع إبراهيم للحاق بمحبوبته فريدة وهي تجري بطول الساحل لتستقر في مكان ما ثم يقفان متسائلين أين هما عن باقي طاقم رحلة الجامعة وفي هذا المشهد سوف أستعين بأسماء الفنانين الحقيقية بعيدا عن أحداث الفيلم
نور : إحنا فين ؟ إحنا توهنا !
بوسي : ياريت نفضل كدة تايهين .. وسط البحر بعيد عن الناس .. احنا بس اللي فيها .. مفيهاش حساب للوقت ولا لسنين .. نصحي مع الشمس وننام في حضن القمر
نور : إنتي بتحلمي بالجنة
بوسي : فيه إيه أجمل من الأحلام
نور : إننا نحققها
بوسي : أنا بحلم بالجنة وأنت بتحلم بالمستحيل
نور : الحب مفيهوش مستحيل .. بيتنا هيكون جنة .. الجزيرة اللي بتحلمي بيها
" يجلس إبراهيم وفريدة علي الرمل ويقوم بالتخطيط لعش الزوجية بالرسم علي الرمال "
بوسي : فين المطبخ ؟
نور : عايزة تفهميني إنك ست بيت وبتعرفي تطبخي !
بوسي : مش أنت بتقول إن الحب مفيهوش مستحيل
نور : هنا الصالون
بوسي : إحنا مش اتفقنا نبعد عن الناس
نور : إللي عرفوا الحب مش هنخاف منهم
بوسي : وإللي ما يعرفهوش؟
نور : ييجوا يتعلموه مننا.. وأهو كله بثوابه.
فيلم حبيبي دائما 0891
سهل قوي إن الواحد يبرر الكسل والغيرة والحقد والكراهية اللي مخبيهم جوه قلبه ويجيب الغلط علي التانيين .. عايز تحس إن مقامك عالي أعمل شيء ينفع الناس .. والتقدير هيجيلك لغاية عندك .. لكن الكراهية إللي انت بتتمرغ فيها مش كفر ! دي أبعد شيء عن كلام ربنا .. انت جاهل وغبي لحد أنك مش مدرك انك فاضي من جوه وبتكرر اي كلام .. تحفظ لي بيت شعر تبقي شاعر .. تحفظ لي آيتين تبقي عالم .. تعرف إيه عن الطب ؟ عن حركة الكون ؟ عن الرياضيات ؟ طب الفلسفة ! تعرف إيه عن الحب .. عن الحق .. عن العدل .. عشان تمنعني أوصل كلام ربنا .
حد يفهمني أنا بكتب ليه ؟ ولمين ! .. طالما إللي بكتبه مبيوصلش لحد.. أنا هخلصهم منهم مش هستني لما هما يحرقوهم.. أنا هحرقهم واحد واحد .. وكل واحد يشوف مصلحته .
فيلم المصير 7991
الوليد حاكم المدينة المنورة سائلا الإمام الحسين
نحن لانطلب إلا كلمة .. فلتقل بايعت وتذهب بسلام إلي الفقراء .. فلتقلها وانصرف يابن رسول الله حقنا للدماء .. فلتقلها .. ما أيسرها .. إن هي إلا كلمة.
سيدنا الحسين: كبرت الكلمة.. وهل البيعة إلا كلمة.. ما دين المرء سوي كلمة.. ماشرف الرجل سوي كلمة .. ما شرف الله سوي كلمة .. أتعرف ما معني الكلمة؟! مفتاح الجنة في كلمة .. دخول النار في كلمة .. وقضاء الله هو الكلمة .. الكلمة نور وبعض الكلمات قبور .. بعض الكلمات قلاع شامخة .. يعتصم بها النبل البشري.. الكلمة فرقان مابين نبي وبغي .. الكلمة نور ودليل تتبعه الأمة.. عيسي ماكان سوي كلمة .. أضاء الدنيا بالكلمات.. علمها للصيادين فصاروا يهدون الظالم .. الكلمة حصن الحرية.. إن الكلمة مسئولية.. إن الرجل هو الكلمة.. شرف الرجل هو الكلمة .. شرف الله هو الكلمة.
مسرحية ثأر الله.
اللهم إن من يريد بهذه الأمة شرا فاكفهم شرا .. اللهم ول من يصلح فليس للضعيف سند إلا أنت .. وليس للخائف ملاذ إلا انت .. وليس للمذنب غفار إلا أنت .. لقد جئتك ضعيفا خائفا مذنبا وتركت من بعدي أمة ضعافا لاسند لهم إلا قوتك .. وأقوياؤها لارادع لهم إلا حكمك .. إنه بكاء لك فارحمني .
مرحبا .. مرحبا .. تلك الوجوه التي تتراءي لي ليست وجوه إنس ولاجان .. مرحبا بوجوه أكاد أعرفها بسيماها .. مرحبا بالجنة التي رأيتها بقلبي ورأيتها في نفسي .
هأنذا افتح يدي لتأخذني بين يديك يا جدي يا عمر بن الخطاب .. زعموا أني أشبهك .. كذبوا .. فمن أنا حتي أشبهك .. هأنذا قادم إليك .. أنا ذو العلامة والأثر والجرح في القلب قد نشر .
أتراني قد ملأت الدنيا عدلا بعد أن ملئت شرا .. أراني كنت أكثر الناس ظلما .. فهل لي من شفيع بين يدي ربي .. وهل أنا ممن بشرهم رب الرحمة والمغفرة بقولة تعالي " تلك الدار الآخرة نجعلها للذين لايريدون علوا في الأرض ولا فسادا والعاقبة للمتقين " صدق الله العظيم .
مسلسل عمربن عبدالعزيز 5991
فيلم بتوقيت القاهرة
آخر أعماله الفنية 5102
عارف إنك ممكن متسامحنيش علي إني مشيت من غير ما أقولك .. وعارف إنك محتجاني أقف جنبك .. لكن اللي زييي في الدنيا مقدموش كتير .. مش فاضل غير ذكري واحدة بس عايز ألاقيها .. الست اللي في الصورة .. طعم السعادة اللي فاضلي في صورة الست دي أقوي من أي حاجة تانية عايزها .. إنتي الوحيدة اللي هتفهميني وتسامحيني .
محدش كان مصدقني أني هلاقيكي .. بس من جوايا كنت متأكد .. ربنا مش ممكن يحرمني من آخر أمنية ليا .. رغم كل السنين دي فضلتي جوايا إنت أول حب في حياتي .