من الحياة: انا واقعه فى مشكله ومش عارفه اعمل ايه انا مخطوبه بقالى سنتين


انا واقعه فى مشكله ومش عارفه اعمل ايه انا مخطوبه بقالى سنتين
انا واقعه فى مشكله ومش عارفه اعمل ايه انا مخطوبه بقالى سنتين واول الخطوبه كان خطيبى عادى جدا مش بيدخل فى اى حاجه ليا بس لاحظت ان يوم بعد يوم بيبتدى يتغير خااااااالص مفيش خروج مع اصحابك ولاحتى مع قرايبك الا لو كنت معاكى مع العلم ان بابا شديد جدا ومش بيخلنا نقعد لوحدينا فى البيت وانا حابه دماغ بابا المهم انا مدرسه ابتدائى وكتير قولته الدروس ملهاش دعوه هو علطول يحد
دلى ساعه انزل فيهاو برضو امتى ارجع ولما اصحى متأخر يقولى مفيش نزول والدرس مش لعبه فى ايدى انهارده بقى كان ورايا درس والايام دى امتحانات الشهر ومن حق اى ام او اب ان الميس تلتزم بمواعيدها انا علشان صحيت متأخر صمم انى منزلش وقعدت اكتر من ساعه اتحايل عليه وهو مصمم ويقولى انا مقولتلكيش متنزليش بس انتى لازم تحترمى كلمتى وتنزلى فى الساعه الى حددتها وعلشان محترمتيش كلام مفيش نزول قولته هما وراهم امتحانات ومينفعش بس نشف دماغه روحت نزلت وقولت هرجع بسرعه بس هو اتصل اول ما وصلت الدرس وقلى انتى فين قولتله انا فى البيت قالى ارفعى سماعه التليفون الارضى انا بتصل قولتله اقفل مرضيش وطبعا ماما ردت عله وقالتله انى نزلت ومن ساعتها قالب خالص وحلف انو هيورينى ايام وحشه وهيندمنى على كده وقارفنى اكتر من الااول وكل خمس دقائق يتصل ويقولى هعد عليكى انفاسك ومفيش خروج حتى من باب الشقه انا مش عارف انا غلطانه ولا لاء والله انا قعد ساعه كامله او اكتر اتحايل عليه وازاى اخليه ينسى علشان كله جه على دماغى وبجد مش هستحمل الزعيق كل شويه والمعامله دى