أبدت الفنانة اللبنانية نيكول سابا استياءها من المواقع التي أساءت ترجمة تغريدتها التي باركت فيها لزوجها عبر تويتر بنجاحه في عمله الدرامي الجديد "وأشرقت الشمس"، وحولتها إلى تهنئة لزوجها بزواجه الثاني من شخصية معروفة. وقالت: "بستغرب كيف بعصر مواقع التواصل الاجتماعي ويلي سهل علينا كلنا إيصال أفكارنا بسرعة وبوضوح لأنو نحن بنفسنا منكتبن، أقرأ عناوين المفروض هي نقلاً عن تغريدة أنا كتبتها وهون عم بحكي عن عنوان تناولتو بعض المواقع الإلكترونية بقول: نيكول تبارك لزوجها زواجه بممثلة ثانية!!". وأضافت: "للحظة فكرت حالي عم بقرا عنوان لفيلم ممكن يجمعنا سوا أو لمسلسل، طلع عنوان لتغريدة المفروض أنا كتبتها!! وين هالشي؟ والله للتصحيح هالشي كان تغريدة قلت فيها لزوجي مبروك على مسلسلو وأشرقت الشمس يلي عم يحقق نسبة مشاهدة عالية مش للفيلم يلي أكيد رح باركلو عليه بس ينزل لأنو لهلأ ما شفتو وما بعرف عن شو بيحكي!!!". وأضافت: "فمن وين إجا عنوان وخبر المباركة يلي حبّو بعض المواقع ينقلوها من دون حتّى ما يقروا صح ولو معقول. وأكيد كل العناوين بهدف جذب القارئ لأنو أنا إندهشت من العنوان!! فيا ريت لما بدنا نكتب عناوين لو حتى بهدف جذب القراء ناخد بعين الاعتبار انو في بعضها بكون مستفز ومنقول صح من أساسو". من جانبها ردت الفنانة اللبنانية ورد الخال زوجة شقيقها على كلام نيكول بتغريدة عبر تويتر وقالت: "انسي..هيدي ضريبة مندفعها يومياً ع بعض الناس اللي بيدّعوا الضمير "المهني".. القافلة تسير والكلاب تنبح.. ما تعصبي مرت خيي". جدير بالذكر أن نيكول ويوسف قد أنجبا منذ شهور ابنتهما الأولى نيكول التي أسموها على اسم والدتها.