كابتن الزمالك يوجه رسالة نارية لجماهير الاهلي عن قوة محمود طاهر

علق جمال عبد الحميد نجم الأهلى والزمالك ومنتخب مصر الأسبق على مسألة نقل كل مباراة للنادي الأهلى سواء كانت هذه المباراة على أرضه أو على أرض منافسه لأي ملعب أخر بحجة الدواعي الأمنية.
وقال "عبد الحميد" في تصريحات لقناة "سي بي سي إكسترا" : "مفيش حد عايز يتكلم بصراحة وانا بقى هتكلم بصراحة .. شوفوا الأهلى عايز يلعب فين ولعبوه ، في ماتش الزمالك طلع عامر حسين واتحاد الكرة وقالوا اصل في القاهرة مولد سيدنا الحسين وهتبقى زحمة".
وواصل : "في أسوان قالوا أصل مولد تعامد الشمس على رمسيس أو مش عارف على مين فمينفعش عشان الدنيا هتبقى زحمة ، شوفوا الأهلى عايز يلعب فين ولعبوه ، أنا عايز أقول لجمهور الأهلى انت معترض ليه ومحمود طاهر بينقل أي ماتشات في اي حتة تعجبه ده قوي جداً".

وأضاف : "انتوا ليه معترضين على واحد قوي بيجيبلكم حقكم ، نقل ماتش الزمالك وطلع رئيس نادي الزمالك وقال مش هلعب والدنيا ولعب في الإسكندرية ، نفس الحكاية ماتش الأهلى والمحلة هيتلعب في الإسكندرية ، محمود طاهر قال يتلعب في الإسكندرية يبقى في الإسكندرية".
وأكمل قائد مصر في كأس العالم 90 حديثه : "ونفس الحكاية ماتش الأهلى والمصري مش هيتلعب في أسوان ولازم يتلعب في اسكندرية في برج العرب برضه وهيتلعب ، ليه جمهور الأهلى معترض على واحد قوي بينقل كل ماتشات الأهلى زي ماهو عايز".
وأنهى حديثه مؤكداً أن الكرة لن تحل في مصر إلا بحل مشكلة جمهور الأهلى ، أي هفوة الجماهير تجتمع ولابد من الإعلام واتحاد الكرة ووزير الشباب والداخلية حل هذه القضية.